Amir Rrahmani: Viti 2021 ishte më i miri në karrierën time
Autori: Gazeta inFokus 19:17 | 30 December 2021
Lojtari më i mirë kosovar në Evropë në vitin 2021 ishte padyshim mbrojtësi, Amir Rrahmani.
Kapiteni i kombëtares së Kosovës dhe lojtari i Napolit, Amir Rrahmani ka kaluar një vit fenomenal në aspektin personal, duke u bërë një nga lojtarët kyç të sukseseve të ekipit napoletan.
Tashmë, Amir Rrahmani është titullar i padiskutueshëm në formacionin e Luciano Spallettit dhe paraqitjet e tij me klubin e Napolit kanë bërë që ai të vlerësohet maksimalisht nga mediumet italiane.
Por, Rrahmani është vlerësuar edhe nga Federata e Futbollit të Kosovës, pasi është shpallur futbollisti më i mirë i vitit 2021 në manifestimin tradicional “Laureatët e Vitit”.
Në një prononcim për ‘GazetaBlic Sport’, kapiteni i Kombëtares së Kosovës dhe anëtari i klubit italian, Napoli, Amir Rrahmani ka potencuar se ky ishte viti i tij më i mirë në aspektin profesional në karrierën e tij.
“Po ka qenë një vit i suksesshëm në aspektin personal, besoj që është viti më i mirë në karrierën time deri tani, por gjithmonë ka vend për përmirësime”, tha fillimisht Amir Rrahmani.
Në dhjetor të vitit 2021 në Nyon të Zvicrës, Dardanët kanë mësuar kundërshtarët në Ligën e Kombeve, ku janë përfshirë në Grupin 2 të Ligës C, ku do të ballafaqohen me Greqinë, Irlandën e Veriut, si dhe fituesin e ndeshjes Qipro-Estoni. Amir Rrahmani thekson se bashkë me lojtarët e Kosovës do të mundohen të shkruajnë historinë e futbollit të Kosovës.
“Po, tani fillojmë një cikël të ri të ndeshjeve me kombëtaren dhe e dimë që asnjë ndeshje nuk është e lehtë sot në futboll, por ne do të provojmë ta hapim një kapitull të ri dhe pse jo të arrijmë dhe të futemi në historinë e futbollit të Kosovës”, vazhdoi kapiteni i kombëtares.
Në fund, 27 vjeçari foli edhe për ekipin e tij, SSC Napoli ku tha se do të luftojnë deri në fund për t’u shpallur kampion, edhe pse është mjaft e vështirë.
“Besoj që deri në fund do të jemi në luftë për kreun e tabelës, është shumë e vështirë, janë shumë ndeshje – por shpresoj që në fund të jetë një tjetër vit i suksesshëm, pse jo më i suksesshëm se ky tani”, përfundoi Amir Rrahmani për ‘GazetaBlic Sport’.
Klubi i Napolit ndodhet në vendin e tretë në tabelë në Serie A me 39 pikë, tre pikë larg vendit të dytë, Milanit dhe shtatë pikë larg liderit, Inter. Amir Rrahmani ka bërë 17 paraqitje në Serie A në edicionin 2021/22, ku ka shënuar edhe dy gola me Napolin.
Ai në këtë edicion ka qenë në formacionin titullar të Napolit në 89% të rasteve. Në Europa League ai ka zhvilluar pesë paraqitje.
Vlen të potencohet se vlera e tij ka kapur shifrën e 22 milionë eurove, që është rekord për të që nga fillimi i karrierës e deri më sot.
Të tjera
-
Lirohet zëvendësdrejtori i Policisë së Kosovës që u arrestua nga Serbia
Zëvendësdrejtori i Policisë së Kosovës, Dejan Jankoviq, që u ndalua në kufi n...
-
Të shtëna armësh në Prishtinë
Mbrëmjen e sotshme në Prishtinë, në afërsi të një pompe derivatesh, ka pasur ...
-
Gazeta ukrainase: Më e udhës Kyivi ta zgjedh partnere Kosovën se Beogradin prorus -humbje historike për Serbinë në Strasburg
Asambleja Parlamentare e Këshillit të Evropës (PACE), të martën në mbrëmje vo...
-
Hoxhaj në Austri takon ish-kancelarin Kurz dhe deputetë austriakë, ka një kërkesë për ta
Ish-ministri i jashtëm i Kosovës, Enver Hoxhaj, gjatë një vizite në Austri, k...
-
Prindon Sadriu i gëzohet çmimit që e mori Presidentja: Krenar me ty
Presidentes së Kosovës Vjosa Osmani i është ndarë çmimi Evropian nga shoqëria...
-
Maqedonci ngre alarmin: Serbia nesër do të testojë dronë kamikazë në kufi me Kosovën
Ministri i Mbrojtjes, Ejup Maqedonci 24 orë pas bllokimit në kufi me Serbinë ...
-
Gërvalla takon ambasadorin amerikan – diskutuan për këto çështje
Ministrja e Punëve të Jashtme dhe Diasporës, Donika Gërvalla, ka zhvilluar ta...
-
ShBA do të vërë veton ndaj anëtarësimit të Palestinës në OKB
ShBA do të ushtrojë të drejtën e vetos nesër në një takim të Këshillit të Sig...
-
I vazhdohet paraburgimi Thaçit, Veselit dhe Bahtjarit
Në Dhomat e Specializuara të Kosovës (DhSK) në Hagë është marrë vendim për të...
-
Panairi i Kantonit, një mundësi për zgjerimin e komunikimit në fushën e biznesit
Kryeministri kinez Li Qiang u shpreh gjatë takimit me biznesmenët e huaj, pje...
-
Lëkundje të forta tërmeti në Turqi
Një tërmet më magnitudë 5.6 ballë është regjistruar në Turqi në provincën e T...
-
Abdixhiku organizon tubime përkrahëse për eurodeputetët mbështetës të Kosovës
Kryetari i Lidhjes Demokratike të Kosovës, Lumir Abdixhiku, ka njoftuar se kë...