Lajme

Ambasadorja shqiptare në Holandë përgënjështron raportin: Është artikull gazete …

Autori: Gazeta inFokus 23:00 | 22 August 2017

Ambasadorja e Shqipërisë në Holandë, Aida Sakiqi deklaroi se raporti i policisë holandeze e cila në bashkëpunim me prokurorinë kërkon rikthimin e vizave për shqiptarët, nuk ekziston

Sipas Sakiqit, nuk bëhet fjalë për raport, por për një artikull të një gazete.

“Nuk bëhet fjalë për një raport, por për një artikull të një gazete. Ai është një artikull i shkurtër me një intervistë me një polic. U habita kur e pashë artikullin e përkthyer si raport në disa media në Shqipëri. Në artikull thuhet se ekziston një memo, normalisht duhet të ekzistojë një gjë e tillë, nga ana e policisë, por nuk është raport”, ka sqaruar ambasadorja Aida Sakiqi.

-Advertisement-

E pyetur se nëse mund të rrezikohet rikthimi i regjimit për t’u pajisur me viza për të lëvizur në vendet e zonës Shengen, ambasadorja Sakiqi e sheh si të pamundur që kjo të ndodhë duke theksuar se ky është një vendim i shumë shteteve, jo vetëm i Holandës.

“Ky rrezik nuk ekziston, është një vendim i shumë vendeve. Nuk ka pasur asnjë kërkesë të autoriteteve holandeze. Jam interesuar dhe kam marrë sigurinë se një raport i tillë nuk ekziston”, tha Sakiqi në studion e lajmeve të “Top Channel”. /LAPSI.AL/

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy