Lajme

Ambasadori suedez optimist se kosovarët vitin e ardhshëm do të udhëtojnë pa viza në Bashkimin Evropian

Autori: Gazeta inFokus 22:04 | 17 January 2023

Pas Çekisë presidenca e Bashkimit Evropian i takon Suedisë. Ambasadori suedez në Kosovë, Jonas Westerlund, ka shprehur optimizmin se në janar të vitit 2024 kosovarët do ta gëzojnë liberalizimin e vizave.

Ai premtoi se gjatë mandatit të tij në Kosovë do të lobojë në bashkëpunimin e bizneseve të Suedisë më ato kosovare.

“Tani pika e diskutimit është në Parlamentin Evropian dhe kuptoj zhgënjimin e kosovarëve”, tha ai, për RTK.

-Advertisement-

Wesretlund tha se ka nisur konsultimet me shtetet e tjera anëtare të BE-së, se si të procedohet tutje për aplikimin e anëtarësimit të Kosovës në BE.

Gjatë kësaj interviste Wesretlund tha se në Suedi janë rreth 70 mijë shqiptarë, disa prej tyre janë të suksesshëm në jetën akademike të shtetit, por edhe në biznes. Ai premtoi se gjatë mandatit të tij do të punojë që të ftojë kompanitë suedeze që të vijnë në Kosovë dhe të bashkëpunojnë me kosovarët në sektorin e përpunimit të drurit.

Subscribe në YouTube: GAZETA INFOKUSI