Lajme

Ambasadori i Kosovës në Ankara: Po përpiqemi të marrim informata nëse ka ndonjë shqiptar që ka pësuar nga tërmeti

Autori: Gazeta inFokus 11:14 | 06 February 2023

Ambasadori i Kosovës në Ankara, Agon Vrenezi, ka njoftuar se në vazhdimësi janë duke u përpjekur që të marrin informacione nga autoritetet e Turqisë në rast se ka ndonjë shtetas shqiptar që ka pësuar nga tërmeti i së hënës në Turqi.

“Ambasada e Republikës së Kosovës në Ankara në vazhdimësi po përpiqet të marrë informatat nga autoritetet vendore në Republikën e Turqisë dhe të përcjellë nëse në qytetet e goditura kemi shtetas tanë”, u shpreh ai.

Ndryshe, Ambasada e Kosovës në Ankara, përmes një njoftimi në faqen zyrtare në Facebook, i kanë shprehur ngushëllime popullit turk.

-Advertisement-

“Ndjejmë dhimbje të thellë për viktimat si pasojë e tërmetit që goditi disa provinca të Turqisë në mëngjesin e sotëm. Shprehim ngushëllimet tona të sinqerta për popullin e Turqisë dhe urojmë shërim të shpejtë për të gjithë të prekurit nga ky tërmet”, thuhet në njoftim.

Po ashtu, ambasada ka publikuar numrat për raste emergjente nga zonat e prekura nga tërmeti, duke i lutur qytetarët që të kontaktojnë.

Ambasada e Republikës së Kosovës në Ankara: +90 542 711 80 99

Konsullata e Republikës së Kosovës në Stamboll: +90 531 105 63 91

Numri i të vdekurve në Turqi e Siri po vazhdon të rritet si pasojë e tërmetit vdekjeprurës.

Mediat ndërkombëtare raportojnë se numri i viktimave në këto dy shtete ka shkuar mbi 600.

Subscribe në YouTube: GAZETA INFOKUSI
Studente dhe prind, Medina Berisha tregon për rrugëtimin e saj akademik në UNI- Universum International College, fuqizuar nga Arizona State…
-Advertisement-

Të tjera

Fokusi

lajme