Lajme

Ambasadori i Gjermanisë përshëndet heqjen e taksës, nuk përmend reciprocitetin

Autori: Gazeta inFokus 20:06 | 01 April 2020

Ambasadori i Gjermanisë në Kosovë, Christian Heldt, ka përshëndetur vendimin e qeverisë Kurti për largimin e taksës 100% ndaj mallrave që vijnë nga Serbia dhe Bosnja e Hercegovina. Gjithsesi, Heldt nuk e ka përmendur vendosjen e reciprocitetit.

“Gjermania e mirëpret vendimin e qeverisë së udhëhequr nga kryeministri Albin Kurti për të hequr plotësisht tarifat ndaj mallrave nga Serbia dhe Bosnja e Hercegovina. Ky është një parakusht i rëndësishëm për rifillimin e dialogut për normalizim. Detyra tani është të rindërtohet gradualisht besimi për procesin e udhëhequr nga BE”, tha ambasadori Heldt.

Ai tha poashtu se ankesat ekzistuese si barrierat jo-tarifore duhet të zgjidhen nga vendet. Heldt gjithashtu shtoi se Kosova dhe Serbia duhet të përballen me situatën e krijuar nga COVID-19.

-Advertisement-

‘‘Ankesat ekzistuese si barrierat jo-tarifore duhet të zgjidhen nga vendet e tjera brenda kornizës ekzistuese të BE-së. BE ka ofruar mbështetjen këtu e cila duhet të merret me krijimin e një niveli të qarkullimit të mallrave nga të dy palët tani.Të dyja vendet, Kosova dhe Serbia duhet të përballen me sfidën e pashembullt me koronavirusin. Kjo nuk është koha për manovrime politike, por për t’u përqendruar në tejkalimin e krizës shëndetësore’’, shkroi tutje Heldt.

Subscribe në YouTube: GAZETA INFOKUSI

Të tjera

Fokusi

lajme