Lajme

Ambasadori gjerman pozitiv se 13 tetori hap rrugën për liberalizim vizash

Autori: Gazeta inFokus 23:13 | 10 October 2022

Ambasadori gjerman në Kosovë Joern Rohde, ka analizuar pritshmëritë e kryeministrit Kurti në procesin e dialogut mes Kosovës dhe Serbisë, duke theksuar se qytetarët e Kosovës presin përparim për një sërë çështjesh.

“Nuk më takon mua të artikuloj pritje nga shefat e qeverive të shteteve sovrane. Si mik i vërtetë i Kosovës unë shpresoj për të dyja palët që të veprojnë në mënyrë konstruktive dhe të tregojnë fleksibilitetin e kërkuar në pozitat e tyre. Qytetarët e Kosovës presin përparim konkret për një sërë çështjesh” u shpreh Rohde në një prononcim për kosovalive.net.

Lexo Edhe:

-Advertisement-

Ndërkaq, ditët në vazhdim pritet vendimi përfundimtar nga Këshilli i Ministrave për liberalizimin e vizave për Kosovën, çështje për të cilën, ambasadori gjerman është shprehur optimist se do ketë një vendim pozitiv.

“Jam shumë optimist se do të ketë një vendim pozitiv për këtë në Bruksel, shumë shpejtë. Presidenca Çeke e Këshillit e ka vendosur këtë çështje në agjendë për një takim teknik që mbahet më 13 tetor dhe vendimi përfundimtar do të merret nga Këshilli i Ministrave nga fundi i këtij viti. Zbatimi i atij vendimi mandej do të mund të përmbyllej në pranverë të vitit 2023” përfundoi Joern Rohde.

 

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme