Lajme

Ambasadori gjerman në Podgoricë: Jemi të gatshëm t’i ndihmojmë Lajcakut

Autori: Gazeta inFokus 11:16 | 03 July 2020

Ambasadori gjerman në Podgoricë, Robert Weber, ka thënë se Berlini dhe Parisi janë të gatshëm të ndihmojnë dialogun në mes të Kosovës dhe Serbisë, nëse është e nevojshme.

“Përfaqësuesi Special i BE-së për dialogun Kosovë-Serbi, Miroslav Lajcak, ka thënë se dialogu i udhëhequr nga BE zyrtarisht do të rifillojë në korrik. Ne hapur mbështesim përfaqësuesin special në punën e tij dhe bashkë me Francën jemi të gatshëm të ofrojmë asistencë nëse është e nevojshme”, ka thënë Weber, transmeton gazeta express.

Ai gjithashtu ka thënë se politika e zgjerimit drejt Ballkanit Perëndimor është një prej prioriteteve të presidencës gjermane me Bashkimi Evropian.

-Advertisement-

“Ne duam të finalizojmë kornizën negociuese dhe të fillojmë negociatat për anëtarësim me Maqedoninë e Veriut, gjithashtu me Shqipërinë, kur të plotësojnë kushtet e nevojshme”, ka shtuar tutje Weber.

Subscribe në YouTube: GAZETA INFOKUSI
Etiketa:

Të tjera

Fokusi

lajme