Lajme

Ambasadori francez: Presim të shohim saktësisht se si u organizua sulmi në veri të Kosovës

Autori: Gazeta inFokus 20:49 | 12 October 2023

Ambasadori francez në Kosovë, Oliver Guerot tha se presin të shohin saktësisht se si u organizua sulmi në veri, derisa theksoi se ajo që është temë qendrore në këtë fazë është dialogu.

Masat e paralajmëruara të BE-së në raport me Serbinë pas sulmit terrorist të 24 shtatorit, ende nuk shihen në horizont.

Guerrot, tha se para vendosjes së pasojave të mundshme, fillimisht po priten hetimet se si u organizua ky sulm.

-Advertisement-

“Tani duhet të shikojmë saktësisht se si u organizua ky sulm. Tashmë ka diskutime mes partnerëve përkatës dhe këtu nuk mund të them më shumë për pasojat e mundshme për aktorët e këtij sulmi”, tha për RTK-në, Oliver Guerrot.

Sipas diplomatit francez, ajo që është temë qendrore në këtë fazë është dialogu.

Ai tha se dialogu i lehtësuar nga BE-ja duhet të vazhdojë.

Sipas tij kjo është e vetmja rrugë përpara.

“Rruga përpara është normalizimi i marrëdhënieve ndërmjet Serbisë dhe Kosovës, për këtë ne po punojmë shumë”, shtoi ai.

Guerrot tha se në kuadër të procesit të dialogut, fokusi duhet të jetë te marrëveshja dhe zbatimi i saj.

Subscribe në YouTube: GAZETA INFOKUSI
Etiketa:
-Advertisement-

Të tjera

Fokusi

lajme