Lajme

Ambasadori amerikan takon Bislimin: Marrëveshja Kosovë-Serbi të përqendrohet në njohje reciproke

Autori: Gazeta inFokus 08:44 | 13 Janar 2022

Ambasadori i ri amerikan, Jeff Hovenier, ka zhvilluar një takim me zëvendëskryeministrin e parë të Kosovës, Besnik Bislimi.

Hovenier tha se temë e takimit ishte përpjekja e shtetit të tij për rrugën euroatlantike të Kosovës dhe dialogu me Serbinë.

“Diskutim produktiv me zëvendëskryeministrin e parë të Kosovës Besnik Bislimi për angazhimin e Shteteve të Bashkuara për integrimin euroatlantik të Kosovës dhe dëshirën tonë të përbashkët për ta parë Kosovën me marrëdhënie të normalizuara të përqendruara në njohjen reciproke përmes dialogut të lehtësuar nga BE-ja”, ka shkruar Hovenier në Twitter.

-Advertisement-

Hovenier dorëzoi letrat kredenciale te presidentja Osmani më 10 janar të këtij viti, duke u zotuar për vazhdim të partneritetit Kosovë-SHBA.

Productive discussion with Kosovo First Deputy Prime Minister @BislimiBesnik on the United States’ commitment to Kosovo’s Euro-Atlantic integration & our mutual desire to see Kosovo achieve normalized relations centered on mutual recognition through the EU-facilitated Dialogue. pic.twitter.com/hXtLpv9Vdc

— Ambassador Jeff Hovenier (@USAmbKosovo) January 12, 2022