Lajme

Ambasada e SHBA-së në Serbi: Rasti Bytyqi ende nuk është zgjidhur

Autori: Gazeta inFokus 10:09 | 02 February 2018

Ambasada e SHBA-së në Serbi vlerësoi se qeveria serbe nuk ka arritur asnjë rezultat për zgjidhjen e rastit Bytyqi, tre vëllezërve të vrarë, të cilët ishin shtetas amerikan.

“Qeveria e Serbisë ende nuk ka bërë asnjë përparim në këtë drejtim. SHBA fton organet gjegjëse të Serbisë që të vazhdojnë të hetojnë për të siguruar që kriminelët që kanë kryer këtë akt ndaj vëllezërve Bytyqi,të sillen para drejtësisë”, thuhet në deklaratën e ambasadës amerikane në Beograd, njoftojnë mediet serbe.

Veç tjerash, ambasada amerikane deklaron se ky rast është një nga priorietetet kryesore që do të ndikojë në marrëdhëniet bilaterale mes të dy vendeve, transmeton RTK.

-Advertisement-

Ndërkaq, lidhur “Rastin Bytyqi”, ministrja e drejtësisë serbe sqaroi se me këtë rast është duke u marrë Gjykata për Krime Lufte.

“Lënda e vëllezërve Bytyqi është pranë Gjykatës për Krime Lufte, në Beograd dhe besoj se kryerësit e kësaj vepre do të zbulohen, por që nuk mund të bëhen lëndë për Gjykatën Speciale, sepse kjo gjykatë është bërë në saje të raportit të Dik Martit për krime që janë kryer në Kosovë, ndërkohë që vëllezërit Bytyqi janë vrarë në Serbi”, deklaroi ministrja e Drejtësisë së Serbisë, Nela Kuburoviq.

Tutje, bëhet e ditur ngjarja se si ka ndodhur vrasja e vëllezërve Bytyqi, të cilët kishin ardhur në Kosovë për të luftuar për lirinë saj, të cilët ishin zënë rob në kufi me Serbinë dhe më pastaj ishin vrarë.

Trupat e tyre të vdekur ishin gjetur në një varr masiv më 2001.

Subscribe në YouTube: GAZETA INFOKUSI