Lajme

Ambasada e Kosovës në Gjermani del me njoftim për konvertimin e patent shoferëve

Autori: Gazeta inFokus 10:58 | 12 April 2022

Pas hyrjes në fuqi të marrëveshjes për njohjen e patentë shoferëve të Republikës së Kosovës në Gjermani dhe nënshkrimit të saj, me datë 6 prill 2022 nga ana e Ministrit të Brendshëm të Republikës së Kosovës, Xhelal Sveçla dhe Sekretarit të Shtetit në Ministrinë Federale për Transport dhe Digjitalizim të Gjermanisë, Oliver Luksic, ka filluar tashmë procesi i konvertimit të patentë shoferëve në të gjitha landet gjermane.

Andaj, me qëllim të përshpejtimit të procesit të verifikimit të patentë shoferëve, dëshirojmë t`ju informojmë se, gjashtë misionet konsullore të Republikës së Kosovës në Gjermani (përkatësisht në Berlin, në Düsseldorf, në Frankfurt, në Hamburg, në München dhe në Stuttgart), kanë filluar verifikimin e patentë shoferëve për shtetasit e Kosovës, konkretisht lëshimin e vërtetimeve përmes së cilëve vërtetohet marrja e patentë shoferëve në procedurë të rregullt në Kosovë.

VËNI RE: Në rast se qytetarët aplikojnë për konvertim të patentë shoferit tek institucionet kompetente gjermane (Führerscheinstelle), atëherë ky verifikim bëhet përmes komunikimit zyrtar (me e-mail) ndërmjet dy institucioneve kompetente (Führerscheinstelle dhe misionit konsullor). Këtë shërbim misionet konsullore e kryejnë pa pagesë.

-Advertisement-

Ndërsa, qytetarët të cilët dëshirojnë të pajisen paraprakisht me vërtetim, atëherë misionet konsullore të Republikës së Kosovës do të lëshojnë një vërtetim të tillë, përmes të cilit dëshmohet marrja e patentë shoferit në procedurë të rregullt në Kosovë. Për këtë shërbim duhet paraprakisht të bëni termin në misionet konsullore. Lëshimi i këtij vërtetimi do të kushtojë 20 €.

Për çdo informacion shtesë, mund t`i kontaktoni njërën nga misionet konsullore më të afërta:

Ambasada e Republikës së Kosovës në Berlin/Shërbimi Konsullor

Tel: +49 30 240 476 90

[email protected]

Konsullata e Përgjithshme në Düsseldorf

Tel: +49 211 54 222 222

[email protected]

Konsullata e Përgjithshme në Frankfurt

Tel: +49 69 271 339 20

[email protected]

Konsullata e Përgjithshme në Hamburg

Tel: +49 40 399 089 901

[email protected]

Konsullata e Përgjithshme në München

Tel: +49 891 598 617 20

[email protected]

Konsullata në Stuttgart

Tel: +49 711 627 6770

[email protected]

Përzemërsisht,

Ambasada e Republikës së Kosovës në Berlin

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme