Ambasada britanike kundër Naser Shalës
Autori: Gazeta inFokus 12:31 | 06 March 2019
Ambasada britanike në Kosovë shpreh keqardhje për vendimin e Kuvendit të Kosovës për të zgjedhur Naser Shalën drejtor të sekretariatit ekzekutiv të Agjencisë Kosovare për Krahasim dhe Verifikim të Pronës.
Përmes një reagimi, thuhet se projekti i Ambasadës britanike për mbështetje në rekrutime në sektorin publik dy herë ka mbështetur procesin e zgjedhjes së drejtorit të sekretariatit ekzekutiv të Agjencisë për Krahasim dhe Verifikim të Pronës.
Procesi i parë u anulua nga Kuvendi, ndërsa procesi i dytë i zhvilluar në mënyrë transparente dhe me meritokraci, identifikoi vetëm një kandidat që plotësonte kushtet.
“Raporti i rekrutimit, që u bë nga partneri që implementoi projektin, iu është shpërndarë të gjithë krerëve të grupeve parlamentare në Kuvendin e Kosovës. Fatkeqësisht, javën e kaluar, Kuvendi dështoi të përzgjidhte kandidatin e identifikuar që plotësonte kushtet dhe në vend të tij emëroi një kandidat që nuk është i përshtatshëm sipas vlerësimit profesional. Kjo është një shkelje e qartë e Memorandumit të Mirëkuptimit ndërmjet Ambasadës Britanike dhe Kuvendit të Kosovës. Është e drejtë e institucioneve të Kosovës që të emërojnë kandidatë nga lista e kandidatëve të cilët i plotësojnë kriteret”, thuhet në reagimin e Ambasadës.
Më tej thuhet se në këtë rast, në zgjedhjen kandidatit që nuk është konsideruar si i përshtatshëm, institucionet kanë treguar jo vetëm mungesë angazhimi në zbatimin e projektit të përbashkët, por gjithashtu, më e rëndësishmja, mungesa e përkushtimit ndaj mandatit dhe punës së Agjencisë për Krahasim dhe Verifikim të Pronës.
“Ky vendim na bën të dyshojmë nëse shumica parlamentare në Kuvendin e Kosovës ka vullnetin politik për të bërë emërime në bazë të meritokracisë. Si rezultat i këtij vendimi fatkeq, ambasadori britanik është dorëhequr nga pozicioni i tij si kryetar i bordit të Agjencisë për Krahasim dhe Verifikim të Pronës. Dorëheqja e tij iu është dërguar edhe përfaqësuesve specialë të BE-së. Ai falënderon udhëheqësin aktuale dhe stafin e Agjencisë për profesionalizmin dhe përkushtimin e palëkundur gjatë mandatit të tij në bord, dhe u kërkon atyre dhe organizatës çdo sukses në të ardhmen”, thuhet në reagim.
Të tjera
-
Hovenier i shkon në zyrë presidentes Osmani pas zhvillimeve të djeshme në kufijtë serb
Ambasadori i ShBA-së në Kosovë, Jeffrey Hovenier i ka shkuar këtë të enjte në...
-
Rohde, Serbisë: Shtensionoje situatën, menjëherë!
Ambasadori i Gjermanisë në Kosovë, Jorn Rohde i ka kërkuar Serbisë shtensioni...
-
Lirohen policët e ndaluar në Serbi, përveq zv.drejtorit Jankoviq
Kryeministri i Kosovës, Albin Kurti, tha se sipas informacioneve të fundit, k...
-
Përfundon takimi i Lajçakut me Petkoviqin
I dërguari i posaçëm i Bashkimit Evropian për dialogun ndërmjet Kosovës dhe S...
-
Haradinaj uron kadetët që iu bashkuan sot Policisë së Kosovës: Rrugëtim të mbarë dhe suksese në karrierë
Sot kanë diplomuar 445 kadetë të Policisë së Kosovës. Ata i ka uruar kryet...
-
Përparim Rama dhuron gjak me rastin e Ditës së Dëshmorëve të Prishtinës
Kryetari i Komunës së Prishtinës, Përparim Rama, ka dhuruar gjak, me rastin e...
-
Detajet e fundit: 10 policë të Kosovës përfshirë zv. drejtorin po mbahen ende në Rashkë
Janë bërë tashmë më shumë se 24 orë prej kur autoritetet serbe ndaluan në kuf...
-
Kurti tregon emrat e zyrtarëve të policisë që janë arrestuar dje nga Serbia: Jankoviqi është dërguar në Rashkë, hąkmąrrja e tyre akt i qëllimshëm i tensioneve
Kryeministri i Kosovës, Albin Kurti në mbledhjen e Qeverisë ka folur për bllo...
-
Kurti: Mbështetja e para dy ditëve, thirrje e qartë që Komiteti i Ministrave të na ftojë për t’iu bashkuar KiE në maj
Kryeministri Albin Kurti e nisi mbledhjen e sotme të Qeverisë duke thënë ...
-
MPB-ja serbe: Zëvendësdrejtori i PK-së është dërguar në mbajtje, katër policë tjerë janë ndaluar
Ministria e Punëve të Brendshme e Kosovës njoftoi dje se policia serbe ka arr...
-
Hoxha policëve të rinj: Keni marrë vendim të drejtë, duke vënë vetën në shërbim të vendit
Drejtori i Policisë së Kosovës Gazmend Hoxha në ceremoninë e diplomimit të gj...
-
Ambasadori britanik, Hargreaves: Do të punojmë me Kosovën që vendimi në Komitet të Ministrave të jetë pozitiv
Ambasadori britanik në Kosovë, Jonathan Hargreaves, ka mirëpritur mbështetjen...