Lifestyle

Amazon hap librarinë e parë fizike

Autori: Gazeta inFokus 09:08 | 27 May 2017

Amazon ka zbarkuar në Nju Jork dhe ka zgjedhur godinën Time Warner Center, fare pranë Central Parc dhe Trump Tower, për librarinë e parë fizike njujorkeze.

Një zgjedhje jo e rastësishme kjo e gjigantit të shitjeve online, që e vendos në zemër të industrisë së botimit dhe njëkohësisht larg librarive të tjera të metropolit amerikan, si “The Strand” në Union Square, të cilat i kanë mbijietuar ciklonit të librit elektronik, primatin e të cilëve e mban pikërisht Amazon.

Me librarinë “Amazon Books”, librat “bestseller” do të spostohen duke i lënë hapësirë librave që kanë patur vlerësimin më të lartë nga lexuesit, ose një kuotë mbi 4.8 nga 5 që është maksimalja në faqen e internetit Amazon.com.

-Advertisement-

Libraria e kompanisë bazohet pikërisht në një punë 20-vjeçare për mbledhjen e të dhënave online për vendosjen e librave në shitje.

Volumet janë të gjitha pa çmim dhe për ta marrë vesh mund të përdoret aplikacioni i Amazon në celular, ose një nga skanerët elektronikë të dyqanit, ku pagesa nuk do të bëhet me para ‘cash’.

Subscribe në YouTube: GAZETA INFOKUSI