Amandamentet kundër gjuhës shqipe të VMRO-së hidhen në koshin e plehrave
![](https://gazetainfokus.com/wp-content/uploads/2018/01/vmro-parlament_1505921679-1391057.jpg)
Autori: Gazeta inFokus
09:32 | 29 January 2018
Diçka e pazakontë ka ndodhur së fundi ku siç ka raportuar portali maqedonas Republika.mk me anë të disa pamjeve, amendamentet që partia opozitare ka dorëzuar në Kuvend, e që në thelb kanë përpjekjen për të bërë të pamundur që gjuha shqipe të jetë zyrtare, kanë përfunduar në një kosh plehrash pikërisht në afërsi të Kuvendit.
I menjëhershëm ka qenë reagimi i kësaj partie, ku në një deklaratë ka akuzuar pushtetin se ka dorë në këtë akt.
“Kujt i pengojnë amendamentet për ligjin anti-kushtetues për dygjuhësi? A është ky një akt i organizuar dhe sa persona janë të përfshirë në këtë akt të turpshëm dhe jodemokratik? Kush e dha urdhërin? Me hedhjen e amendamenteve a ka dashur dikush të përcjellë porosi se çdo tentim nëpërmjet diskutimit të argumentuar dhe mohimi juridik i ligjeve antikushtetuese, është i kotë? A po dëshiron dikush të përcjellë porosi se me ardhjen e Zaevit në qeveri demokracia përfundoi në kosh?”, tha Darko Kostovski.
Por shërbimi për informim i Kuvendit maqedonas, nëpërmjet një reagimi me shkrim hedh poshtë pretendimet VMRO -së për gjoja hedhjen e amendamenteve në kosh. Në njoftim thuhet se pas kontrollit të brendshëm është përcaktuar se të gjitha amendamentet e parashtruara për ligjin e gjuhëve janë pranuar me rregull në arkivin e
Kuvendit, ndërsa amendamentet e paraqitura në publik janë kopje të amendamenteve të cilat janë futur me rregull në procedurë dhe janë publikuar në e-parlament, me çka janë të kapshme për të gjithë 120 deputetët dhe për publikun. Në njoftim thuhet se duke pasur parasysh numrin e madh të amendamenteve të parashtruara, Shërbimi i Kuvendit me rregull po vepron në kornizat e detyrave të veta deri në përfundimin e plotë të procesit, thuhet në reagimin e shërbimit për informim të Kuvendit.
“Sipas gjendjes së përcaktuar faktike, konstatimet e prononcuara në konferencën për shtyp të VMRO-DPMNE-së në ditën e sotme dhe të djeshme janë përpjekje për manipulimin e ashpër me publikun dhe diskreditimin e Shërbimit të Kuvendit.
Si Dhomë Ligjvënëse apelojmë që subjektet politike të përmbahen nga spekulimet dhe mos ta dezinformojmë opinionin, sepse kjo e dëmton autoritetin e Kuvendit dhe proceset reformuese rrjedhëse”, thuhet më tej në reagim.
Sakaq, deputetja e shumicës parlamentare, Ivana Tufegxhiç, në profilin e saj të Facebook-ut i bëri thirrje opozitës që t’i përdorë mekanizmat parlamentar nëse duan të tregojnë se nuk pajtohen me ndonjë çështje, e jo të përdorin lajme të rreme.
“Amendamentet që janë gjetur në kosh shihet se janë të verifikuara siç duhet. Me shumë gjasë bëhet fjalë për kopje, por shpërndarja e lajmeve të këtij lloji nuk di për çfarë arsye, fillimisht është mungesë respekti për shërbimet e kuvendit të cilët gjatë gjithë fundjavës janë në punë që t’i procedojnë të gjitha amendamentet”, u shpreh Tufegxhiç.
Ligji për gjuhët, ose siç thuhet ndryshe “për shqipen”, pritet të kalojë sërish për miratim në Kuvendin maqedonas, pas kthimit nga Presidenti Ivanov që nuk pranoi ta dekretonte. Por nëse kalon edhe kësaj here, atëherë nuk ka më asnjë pengesë kushtetuese për t’u jetësuar në realitet, ku shqipja pra kthehet në gjuhë të dytë zyrtare. Dhe VMRO, me amendamentet e saj është angazhuar në pengimin me çdokusht të këtij procesi, si kundërshtuese e ashpër e shqipes-gjuhë e dytë zyrtare.
![](https://gazetainfokus.com/wp-content/uploads/2023/12/Screenshot_5-2.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...