Lajme

Ali Ahmeti kërkon që gjuha shqipe të përdoret edhe për komunikim ndërkombëtar

Autori: Gazeta inFokus 13:12 | 15 August 2017

Gjuha shqipe të përdoret në komunikim midis Maqedonisë me vendet e tjera dhe me organizatat ndërkombëtare, ka kërkuar lideri i BDI-së, Ali Ahmeti.

Ai thotë se ligji për përdorimin e gjuhëve që duhet të votohet në Kuvendin e Maqedonisë deri në fund të shtatorit është fryt i kompromisit, por në të ardhmen, pikërisht përdorimi i gjuhës shqipe në përdorim ndërkombëtar është çështja që pritet që të hapet.

“Marrëveshja e Ohrit. Sa i përket gjuhës, për shembull, në komunikimin ndërkombëtar, gjuha shqipe është e diskriminuar. Pse gjuha shqipe të mos konsiderohet e barabartë edhe në kumunikim ndërkombëtar? Pse gjuha shqipe të jetë e ndaluar jashtë kufijve të Maqedonisë?

-Advertisement-

Këto janë pyetjet të cilat mund të hapen dhe të diskutohet për to”, ka thënë Ahmeti, në një intervistë për portalin post.mk.

Ndryshe, për realizimin e këtyre kërkesave që po i parashtron lideri i BDI-së, Ali Ahmeti, janë të nevojshme ndryshime kushtetuese, sepse tani për tani, sipas Kushtetutës së Maqedonisë, gjuhë e vetme që mund të përdoret në kumunikim ndërkombëtar është gjuha maqedonase.

Subscribe në YouTube: GAZETA INFOKUSI