Lajme

Albulena Haxhiu dërgon një letër në Hagë, kjo është kërkesa e saj

Autori: Gazeta inFokus 16:41 | 14 February 2020

Ministrja e Drejtësisë, Albulena Haxhiu ka kërkuar nga Konferenca e Hagës për të Drejtën Ndërkombëtare Privatë për të shqyrtuar mundësit e anëtarësimit të Republikës së Kosovës në këtë institucion.

Kështu është bërë e ditur në një komunikatë nga Ministria e Drejtësisë, shkruan Gazeta inFokus.

“Përmes këtij anëtarësimi, por bazuar edhe në përvojën në anëtarësimet në konventat e këtilla, Ministria e Drejtësisë është e bindur se një gjë e tillë, do të mundësonte zbatimin e unifikuar të konventave ndërkombëtare në çështjet  e së drejtës ndërkombëtare private, si dhe do të lehtësonte qasjen në platforma dhe instrumente multilaterale që kanë të bëjnë me këtë fushë”, thuhet në këtë komunikatë.

Sipas, kësaj komunikate për shkak të mos anëtarësimit në Konferencën e Hagës, është vështirësuar zbatimi i së drejtës në çështjet që lidhen me rrëmbimin ndërkombëtar të fëmijëve, në aspektin civil, si dhe në konteste  familjare dhe trashëgimore për qytetarët e Republikës së Kosovës./Gazeta inFokus/

 

Të tjera