Lajme

Albin Kurti shpërblen bordin e menaxhmentin e AKP-së me 800 mijë euro për paga e mëditje

Autori: Gazeta inFokus 11:08 | 25 January 2023

Kryeministri i Kosovës, Albin Kurti, në fushatën para zgjedhore premtoi shuarjen e Agjencisë Kosovare të Privatizimit duke e konsideruar si institucion të krimit e korrupsionit. Madje shkonte aq larg sa që thoshte se për ndaljen e këtij krimi në AKP e vetmja zgjidhje është shuarja e këtij institucioni.

Ndërsa pa kaluar as edhe dy vite në pushtet, Kurti me vendime të veçanta po i ndanë shuma marrmendëse nga buxheti i shtetit, konkretisht 757 mijë 802 euro, Agjencisë Kosovare të Privatizimit.

Këto akuza i ka hedhur në drejtim të Ministrisë së Financave në krye me Hekuran Muratin, deputeti i PDK-së, Ferat Shala.

-Advertisement-

Ai përmes një postimi ka thënë se ministri i Kurtit, i ka ndarë me një vendim të veçantë këtë shumë, AKP-së. Derisa ka thënë se sipas kësaj shume i bie që edhe pagat e tyre për të cilat u proklamua nga Kurti se janë zbritur, mbesin ende të njejta. Duke qenë se kjo shumë është ndarë për paga dhe mëditje.

“Ministri Hekuran Murati me vendim të veçantë i ndanë AKP-së 757.802 euro për paga dhe meditje, për muajt Nëntor-Dhjetor 2022 Në vitin kur të gjithë ne pritnim shuarjen e AKP-së, Qeveria dhe bordi i AKP-së kishin nxjerrur rregullore të re dhe kishin miratuar vendimin për uljen e pagave. E vërteta del që AKP gjatë tërë vitit 2022 kanë realizuar pagat e njejta, pa i zbritur ato fare”, ka thënë Shala.

Madje deputeti i PDK-së akuzon ministrin e Financave që kjo shumë u nda fshehurazi për AKP-në, pikërisht për të mbuluar vendimin për uljen e pagave.

LEXO EDHE: HULTUMTIM/ Deklarim i rrejshëm: Si e mashtruan Agjencinë Kundër Korrupsion bordi që Albin Kurti zgjodhi në Agjencinë e Privatizimit

E derisa sipas tij, AKP-ja vazhdon të punojë në të njëtën formë pa asnjë ndryshim, si në kohën që akuzohej deri në përmasa të shuarjes nga tash kryeministri i Kosovës.

LEXO EDHE: AKP-ja “urdhër” Gazetës Infokus për ta fshirë hulumtimin për deklarimin e rrejshëm të pagave të anëtarëve të Bordit në AKK

“Si rezultat i lojrave propagandistike, për dy muajt e fundit, heshturazi, AKP dhe Hekuran Murati ishin dakorduar që ky i fundit të ndajë edhe 757.802 euro, për të mbuluar vendimin e kontestuar për zvogëlimin e pagave të punëtorëve i nxjerrur nga Bordi i AKP-së. Bordi i AKP-së po vazhdon shitjen e aseteve nacionale, me të njejtën metodologji, me të njejtën praktikë, pa ndryshuar asgjë nga praktikat e kaluara”, shkruan Shala.


Gazeta Infokus kishte raportuar viytin që lamë pas për pagat e majme të antarëve të bordit të AKP-së, mëditjet, e mbajtjen e më shumë se 5 vendeve të punës njëkohësisht./Gazeta Infokus/

LEXO EDHE: Milionerët e Bordit të AKP-së me nga 3 e deri në 5 paga, unaza, byzylykë, vathë me 18 karat e diamante, kjo është pasuria e tyre

LEXO EDHE: AKP-ja e Albin Kurtit nuk po mbyllet, por është kthyer në “Agjenci të Punësimeve Masive”

Subscribe në YouTube: GAZETA INFOKUSI

Të tjera

Fokusi

lajme