Është dita e katërt që forcat e Policisë së Kosovës po qëndrojnë në Bërnjakë e Jarinje, për të mbajtur nën kontroll situatën e krijuar me rastin e vendosjes së masës së reciprocitetit në targa të automjeteve me Serbinë.

Prej ditësh, banorë lokal serbë kanë vënë barriera për të mos lejuar qarkullimin e automjeteve në atë zonë.

Në mesin e tyre është parë edhe ministri për Komunitete dhe Kthim, Goran Rakiq, shkruan Gazeta Infokus.

-Advertisement-

Bile në ditën e parë gjatë protestës, ai publikisht kishte kërkuar ndihmë nga presidenti i Serbisë, Aleksandër Vuçiq, duke i injoruar autoritetet shtetërore të Kosovës.

Ai gjatë protestës së qytetarëve serbë në atë pjesë të vendit ka thënë se ky është reagim i qytetarëve të shqetësuar për të ardhmen e tyre.

“Ky nuk është një aksion, ky është një reagim i njerëzve që janë të shqetësuar për të ardhmen e tyre, për fëmijët dhe familjet e tyre. Pse dikush po heq të drejtën për lirinë e lëvizjes dhe shprehjes? Këto janë vlera evropiane, këtë na mësoi Bashkimi Evropian, dhe i bëj thirrje BE -së të përfshihet dhe të gjejë një zgjidhje. Ne gjithashtu informuam të Dërguarin Special Miroslav Lajçak dhe kërkuam ndihmën e BE-së. Dhe unë i bëj thirrje Presidentit Vuçiq të reagojë”, ka thënë ai.

Ndaj kësaj deklarate të Rakiqit përveç që u raportua në media nuk u morr asnjë veprim ndaj tij nga kryeministri Albin Kurti, shkruan Gazeta Infokus.

Ndryshe kishte vepruar ish-kryeministri Isa Mustafa, ndaj Aleksander Jabllanoviqit.

Arsyeja e shkarkimit të tij ishte pikërisht pasi ish-ministri për Kthim dhe Komunitete, kishte nxitur reagime duke i quajtur “egërsira” protestuesit në Gjakovë, familjarë që kanë persona të zhduku, vetëm pse ata nuk i kishin lejuar pelegrinët serbë që ta vizitojnë kishën ortodokse serbe në qytetin e Gjakovës.

Deklarata e ministrit Jabllanoviq, çoi në protesta në disa qytete të Kosovës, të cilat kulmuan me protestat e dhunshme, që lanë pas dhjetëra të lënduar dhe shumë dëme materiale.

Ndërsa kujtojmë se Albin Kurti gjatë Qeverisjes së Kurti 1 kishte shkarkuar ministrin e Brendshëm, Agim Veliun, vetëm pasi kishte thënë në një intervistë se është “kundër qëndrimit të Kryeministrit të Republikës së Kosovës mbi shpalljen e gjendjes së jashtëzakonshme”. /Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-