Albin Kurti nuk e ka sefte që paguan miliona për rrymën e serbëve në veri
Autori: Gazeta inFokus 12:11 | 29 April 2021
Nuk është hera e parë që në mandatin e Albin Kurtit si kryeministër paguhen miliona euro për energjinë elektrike të shpenzuar nga serbët në komunat veriore të Kosovës.
Saktësisht një vit më parë, Albin Kurti si kryeministër i Kosovës kishte ndarë 10 milionë euro për këtë qëllim, edhe pse kishte dëshmi se qytetarët e Zubin Potokut, Zvecanit Leposavicit e Mitrovicës së Veriut paguanin për rrymën e shpenzuar tek kompania serbe “Elektroprivreda serbije”, nëpërmjet “Elektrokosmet”.
Gazeta Infokus kishte raportuar me 30 prill të vitit të kaluar për këtë rast.
Megjithatë, të mërkurën me 28 prill deputetët e Lëvizjes Vetëvendosje në komisionin për Ekonomi, Industri, Ndërmarrësi dhe Tregti vendosën të ndajnë edhe 11 milionë euro të tjera për të paguar rrymën që qytetarët serb e shpenzojnë në këtë pjesë të Kosovës.
Sipas këtij vendimi kjo pagesë do të bëhet përmes KOSST-it që është Operator i Sistemit të Transmisionit dhe Tregut të energjisë elektrike të Kosovës.
Kjo formë e pagesës, edhe pse u tha se nuk do ta ngarkoj buxhetin e shtetit dhe shmangë vendimin direkt që qeveria të paguaj për rrymën e shpenzuar në veri, sipas njohësve të fushës është pagesë nga taksat e qytetarëve të pjesës tjetër të Kosovës, të cilët janë të rregullt me kryerjen e obligimeve ndaj furnitorit me energji.
Ndryshe nga tani kishte vepruar në mandatin e tij të parë kryeministri Kurti.
“Qeveria e Republikës së Kosovës ka ndarë një shumë prej 10 milionë eurosh, e cila shumë është siguruar për furnizimin me energji elektrike të veriut”, kishte konfirmuar zëdhënësi i qeverisë, Përparim Kryeziu.
Ai kishtë thënë se humbjet e shkaktuara të energjisë elektrike nga mospagesa e serbëve në komunat veriore, do të vazhdojnë të mbulohet nga buxheti i shtetit dhe për këtë Qeveria ka ndarë 10 milionë euro.
Ky vendim ishte vazhdimësi e veprimeve të qeverisë Haradinaj, që kishte paguar njëjtë pas konstatimit nga Avokati i Popullit që qytetarët po ngarkoheshin me pagesa shtesë në faturat e rrymës për të mbuluar mospagesën e energjisë në komunat veriore.
Nga përfundimi i luftës, energjia elektrike e konsumuar nga serbet e veriut, fillimisht është paguar nga fondet e BE-së e nga shpallja e pavarësisë këtë e kanë paguar qytetarët e Kosovës.
Në faturat e tyre është ngarkuar edhe shpenzimi i serbeve të veriut.
Në vitin 2017 kur kjo temë u skandalizua dhe pati reagime të mëdha të organizatave jo qeveritare, mediave dhe qytetarëve, pagesa u hoq nga faturat e pjesës tjetër dhe e mori përsipër qeveria ta paguajë nga buxheti i shtetit.
Mirëpo tani e njëjta energji e konsumuar nga banoret e veriut të Mitrovicës del se paguhet dyfish.
Gazeta inFokus raportoi se inkasimi në veri bëhet nga një kompani serbe dhe të njëjtën energji e paguan edhe buxheti i shtetit.
Ndërkaq në të njëjtën kohë inkasimin atje është duke e bërë kompania serbe “Elektroprivreda serbije”, nëpërmjet “Elektrokosmet”.
E pas ndarjes së sërishme të 11 milionë eurove edhe në mandatin e qeverisë Kurti II, reagimet ishin të shumta kjo sepse pikërisht partia që ka marrë pushtetin ishte kundër pagesës së kësaj kostoje të energjisë në veri.
Ushtruesja e detyrës së Shefes së Grupit Parlamentar të VV-së, Mimoza Kusari Lila ka reaguar pas raportimeve se deputetët e VV-së e propozuan dhe e votuan këtë vendim duke i quajtur lajme të rreme.
Po ashtu një reagim pati edhe deputeti tjetër i VV-së në këtë komision, Armend Muja i cili ka fajësuar opozitën që sipas tij kërkuan që pagesën e shpenzimeve të energjisë ta bëjë qeveria.
“Demant: portalet pro-establishment po qarkullojnë një lajm të pavërtete se kinse me propozim të Armend Muja dhe Mimoza Kusari Qeveria do të paguaj faturat e rrymës në veri. Ne fakt është e kunderta – ishte opozita që kërkonte që Qeveria të paguaj. Në Kuvend ka kaluar propozimi që 1) shpenzimet për devijim të energjisë paguhen nga mjetet vetanake të Kostt dhe (2) Qeveria del me plan veprimi për inkasim të faturave në afat prej 6 muaj”, ka thënë Muja në këtë reagim./Gazeta inFokus/
Të tjera
-
Hoti ngre alarmin për mungesë të investimeve kapitale, kërkon rishikim të politikave fiskale
Ish-kryeministri i Kosovës, Avdullah Hoti deklaron se në Qeverinë Kurti janë ...
-
Shkoi për ta vizituar babanë, u bë piktor i njohur, historia frymëzuese e Zecir Gashit nga Gjermania
Një histori frymëzuese nis në vitin 1994 kur Zecir Gashi, kishte udhëtuar për...
-
Kosova merr një mirënjohje në Bienalen e Venecias, ministrja serbe e lëshon sallën (Video)
Ministri i Kulturës, Rinisë dhe Sportit, Hajrulla Çeku, ka bërë të ditur se p...
-
46 mijë e 556 qytetarë me të drejtë vote në referendumin e së dielës në veri
46 mijë e 556 qytetarë të katër komunave veriore, kanë të drejtë të marrin pj...
-
Shumica e pasurisë së kryeparlamentarit Konjufca në emër të prindit
Vetëm një banesë 90 metra katrorë që ka vlerën e 60 mijë eurove, e ka deklaru...
-
Ngritët kallëzim penal ndaj dy inspektorëve dhe u.d kryeinspektores së Shëndetësisë, ia ndërprenë jashtëligjshëm punën një qendre shëndetësore
Është ngritur kallëzim penal ndaj ushtrueses së detyrës së kryeinspektores së...
-
Presidentja Osmani shumicën e pasurisë e deklaron në emër të bashkëshortit të saj
Në deklarimin e pasurisë të bërë në Agjencinë Kundër Korrupsionit, Presidentj...
-
Kryeministri Kurti deklaron pasurinë: Banesë në vlerë 400 mijë euro në emër të gruas (Dokument)
Kryeminsitri Albin Kurti ka deklaruar në Agjencinë për Parandalimin e Korrups...
-
Ramush Haradinaj dekalron pasurinë: Vetëm shtëpitë dhe vila e tij kanë vlerë mbi 1.2 milion euro (Dokument)
Ish-kryeministri i Kosovës, Ramush Haradinaj ka deklaruar pasurinë e tij në A...
-
Memli Krasniqi deklaron pasurinë: 65 mijë euro në Bitcoin, shtëpi 180 mijë euro e banesë 120 mijë euro (Dokument)
Agjencia Kundër Korrupsionit ka publikuar të shtunën, deklarimet e pasurisë s...
-
Në 25 vjetorin e rënies, Haradinaj kujton heroin Selman Lajçi dhe të rënët e Brigadës 136 “Rugova”
Kryetari i Aleancës për Ardhmërinë e Kosovës (AAK), Ramush Haradinaj, ka kujt...
-
Në Podujevë arrestohet dhe më pas lirohet një person që dyshohet se po bashkëjetonte me një të mitur
Një person është arrestuar në Podujevë nën dyshimin për bashkëjetesë me një t...