Lajme

Albin Kurti flet për dialogun, qeverinë e koalicionet, e cilëson vetën kryeministër

Autori: Halil Berisha 00:12 | 07 October 2019

Ende pa dalur rezultatet finale të zgjedhjeve të jashtëzakonshme të 6 tetorit, por rezultatet e Exit Poll dhe votat e numëruara mbi 80% nga KQZ, Albin Kurti, kandidati për kryeministër nga Vetëvendosje, po e sheh vetën në pozitën e krye qeveritarit.

Kështu, në një intervistë për media, Kurti, ka treguar se me qeverinë e re, e të udhëhequr nga ai, do ta vendos Kosovën në binarët e drejtësisë e demokracisë, shkruan gazeta inFokus.

“Qeveria e re duhet të kompensoj një kohë të gjatë të humbur e mundësi të quar dëm deri sot, sot jemi në festë në sheshin Skënderbe e prej nesër në përgatitje për Qeveri të re që do i shërbej qytetarët e do ta vendos Kosovën në binarët e drejtësisë, zhvillimit e demokracisë.

-Advertisement-

Ndërsa, për koalicionet e mundshme, Kurti thotë se menjëherë nesër do të kontaktoj me LDK-në.

“Sot nuk do t’i kontaktoj por qysh nesër do vendosi kontaktin me LDK në mënyrë që me subjektin që jemi me opozitë të bëhemi qeveri, kur opozita bëhet qeveri kurorëzohet ndryshimi”

Kështu, Kurti thotë se tanimë kapja e shtetit do të kujtohet si ëndërr e shkuar, shkruan gazeta inFokus.

“Filloi ndryshimi nga uzurpatorët e ngjyrave të ndryshëm, qytetarët e Kosovës, bashkë me ne si qeveri e ardhshme do ta kurorëzojmë këtë shanse të ofruar nga populli ynë që kapja e shtetit të kujtohet si ëndërr e shkuar”.

Ndërsa, për dialogun me Serbinë, Kurti shton se do të marr përgjegjësinë për udhëheqjen e tij.

“Dialogu ka qenë sfidë deri tash pasi kishim njerëz pa kredibilitet, e kemi pas dialog pa parime, ku Kosova ishte më shumë temë se palë, kjo do ndryshoj unë si kryeministër i ri, e marr përgjegjësinë ta udhëhiqi këtë dialog i cili nuk do të jetë më në dëm të kosovës, i cili nuk shtrohet me pyetjen çfarë çmimi duhet ta paguajmë ne por borxhin e Serbisë ndaj nesh”./Gazeta inFokus/

 

Subscribe në YouTube: GAZETA INFOKUSI

Të tjera

Fokusi

lajme