Lajme

Albert Veliu kërkon azil në Kosovë

Autori: Gazeta inFokus 18:54 | 29 May 2018

Albert Veliu, i cili po kërkohet nga Prokuroria e Krimeve të Rënda të Shqipërisë ka bërë kërkesë për azil në Kosovë.

Veliu tashmë ka dorëzuar kërkesën për azil tek Departamenti për Shtetësi dhe Azil në Ministrinë e Punëve të Brendshme.

Veliu i njohur në Shqipëri me pseudonimin Babalje është arrestuar të dielën në qytezën e Shtimes bashkë me djalin e tij. Arrestimin e tij e ka konfirmuar edhe Policia e Kosovës.

-Advertisement-

Drejtori i Departamentit për Shtetësi, Azil dhe Migracion në MPB , Valon Krasniqi i kontaktuar nga KosovaPress ka thënë se për të konfirmuar kërkesën që është bërë tek dikasteri që ai drejton, pyetjet duhet bërë nëpërmjet Zyrës për Komunikim të MPB-së.

Partia Demokratike e Shqipërisë , pretendon se një bisedë mes Albert Veliut dhe Agron Xhafajt, tregon se ky i fundit ka vijuar trafikun e lëndëve narkotike, edhe kur vëllai i tij Fatmir Xhafaj mbante detyrën si ministër i Brendshëm.

Pas daljes së videos dy javë më parë, Veliu tentoi të largohet nga vendi, por u ndalua në Kukës.

Prokuroria e ka dërguar regjistrimin për ekspertim jashtë vendit. Ministri i Brendshëm dhe Kryeministri pretendojnë se ky audio përgjim është i manipuluar, ndërsa Partia Demokratike i qëndron versionit të saj, se përgjimi tregon përfshirjen e Agron Xhafajt në trafikun e drogës dhe kërkon largimin e menjëhershëm të ministrit.

Subscribe në YouTube: GAZETA INFOKUSI
Etiketa:
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme