Rozë

Alba kërkon të lërë shtëpinë e ‘BBVK’, çfarë ndodhi me konkurrenten e reality show-t?

Autori: Gazeta inFokus 21:55 | 27 December 2023

Alba ka qenë një prej banoreve më të komentuara të edicionit të dytë të “BBVK”, sigurisht për shkak të energjisë pozitive që përcjell, “performancave” me këngët shqiptare, por kryesisht falë marrëdhënieve që NUK ka nisur me asnjërim prej djemve në reality show, edhe pse është shfaqur e afërt me më shumë se një prej tyre.

Pikërisht për këtë arsye së fundmi konkurrentja e programit ka kërkuar që të largohet nga shtëpia, më saktë ka thënë që planifikon të largohet, teksa ka rrëfyer se e gjen veten në një situatë presioni si asnjëherë më parë. Në një bisedë ditën e sotme me Bucin dhe Santianën në lavanderi, Alba ka thënë se këtë të premte, me apo pa votën e publikut (është në nominim) ajo do të lërë në gjysmë garën, duke dalë kështu nga shtëpia.

Ndonëse dy banorët u përpoqën që ta bindnin të ndryshonte mendje, ajo tha se situatat në shtëpi e kanë bërë të ndihet keq e për këtë arsye do të lërë garën, ndërsa së fudnmi ka qenë edhe në qendër të vëmendjes falë debateve që janë bërë në Prime, teksa e gjeti veten edhe në mes të “përplasjes” mes Shqipes dhe opinionistes, Anita Haradinaj.

-Advertisement-

Po ashtu, Azemi, tashmë i larguar nga gara, ka deklaruar se do ta presë Albën jashtë, me gjasë për të vazhduar njohjen që kanë nisur, ndërsa në shtëpi ajo është shfaqur e afërt edhe me Blerandon, por edhe me disa prej konkurrentëve më të rinj.

Në secilin rast, Alba, në një mënyrë a në një tjetër, nuk është shprehur e gatshme për të nisur një histori, duke kërkuar kohë, megjithatë presioni që ka nga djemtë dhe sigurisht, banorët e tjerë, është bërë i papërballueshëm për të, gjë që mund të reflektohet të premten. Gjithsesi, do na duhet të presim Prime-n e ardhshëm për të parë cfarë “fati” do të ketë Alba.

Subscribe në YouTube: GAZETA INFOKUSI