Lajme

Alarmon Sekretari i Zyrës Ndërlidhëse të Kosovës në Beograd, Haxholli: Serbia ka ndaluar të më ofroj siguri fizike

Autori: Gazeta inFokus 18:23 | 17 November 2023

Sekretari i Zyrës Ndërlidhëse të Kosovës në Serbi, Fatmir Haxholli, ka njoftuar se Serbia ka shkelur marrëveshjen e Brukselit dhe ka ndalur së ofruari siguri fizike për të si diplomat.

Haxholli ka thënë se nuk po mbrohet më as nga Marrëveshja e Brukselit si instrument ndërkombëtar.

“Dëshiroj ta ndaj edhe publikisht, që në shkelje flagrante të marrëveshjes së Brukselit, Serbia ka ndaluar së ofruari siguri fizike 24/7 për mua si zyrtar/diplomat, dhe poashtu nuk ofron as siguri mobile. Pavarësisht ankesave dhe kërkesave kjo praktikë po vazhdon. Çfarëdo që mund të më ndodh gjatë shërbimit tim në Serbi – mes tjerash – është përgjegjësi e drejtpërdrejt e Serbisë!”, ka njoftuar Haxholli, përmes një postimi në Facebook.

-Advertisement-

Ai më tej ka thënë se “kjo krijon një precedent të rrezikshëm, andaj më duhet ta them se ndjej, se tani e tutje se nuk jam i mbrojtur as i mbuluar nga Marrëveshja e Brukselit si instrument ndërkombëtar.

“Sigurisht që këtij vendi nuk i konvenon ndonjë prezencë diplomatike e Republikës së Kosovës në Beograd, dhe aq më pak ngritja e statusit diplomatik siç parashihet sipas marrëveshjes për njohje de facto. Sidoqoftë kamuflimi i veprimeve kundër Zyrës nga institucionet e këtij vendi, me potencial rrezikshmërinë dhe ekspozimin tim fizik dhe ligjor, është diçka që Kosova nuk duhet ta pranoj!”, ka shkruar Haxholli.

Subscribe në YouTube: GAZETA INFOKUSI