Auto&Tech

Alarmon inxhinierja e Google: Robotët vrasës mund të shkaktojnë vrasje masive mizore

Autori: Gazeta inFokus 19:48 | 15 September 2019

Ingjinierja që kreu projektin e dronëve ushtarakë ka paralajmëruar se Inteligjenca Artificiale mundet që aksidentalisht të fillojë luftë.

Një gjeneratë e re e armëve autonome apo e “robotëve vrasës” mund të fillojë aksidentalisht luftë apo të shkaktojë mizori masive, sipas një ingjiniereje të lartë softuerike të Google.

Laura Nolan, që dha dorëheqje nga Google vitin e kaluar në shenjë proteste që ishte dërguar të punonte në një projekt që gramatikisht rrit teknologjinë e dronëve ushtarakë të ShBA-ve, ka bërë thirrje që të gjitha makinat vrasëse të Inteligjencës Artificiale që nuk operohen nga njerëzit të shpallen ilegale, ka shkruar The Guardian.

-Advertisement-

Nolan tha që robotët vrasës që nuk udhëhiqen nga njerëzit duhet të shpallen të paligjshëm nga i njëjti soj i traktateve ndërkombëtare që ndalon përdorimin e armëve kimike.

Për dallim nga dronët, që kontrollohen nga ekipe ushtarake shpesh disa kilometra larg, Nolan ka thënë se robotët vrasës kanë potencialin “për të bërë gjëra të tmerrshme për të cilat nuk ishin programuar fillimisht.”

Nuk ka asnjë sugjerim se Google është e përfshirë në zhvillimin e sistemeve ushtarake autonome.

“Mund të ketë aksidente të shkallës së madhe sepse këto gjëra mund të nisin të sillen në forma të papritur. Kjo është arsyeja pse çdo sistem i armëve të avancuara duhet që jetë subjekt i një kontrolli të kuptimshëm njerëzor, për ndryshe duhet të ndalohen sepse janë tepër të paparashikueshëm dhe të rrezikshëm”.

Subscribe në YouTube: GAZETA INFOKUSI

Të tjera

Fokusi

tech