Uncategorized

Alarmon Hoti: Varianti i ri i Covid po përhapet me shpejtësi

Autori: Gazeta inFokus 20:09 | 08 January 2021

Kryeministri në detyrë, Avdullah Hoti, ka bërë thirrje për kujdes maksimal përgjatë ditëve në vijim, meqë ka thënë se varianti i ri i koronavirusit po përhapet me shpejtësi.

Hoti, në llogarinë e tij në ‘Facebook’, ka shpërndarë edhe listen e komunave në bazë të rrezikshmërisë së transmetimit, pas njoftimit të MSH për ndërrimin e komunave nga zona e rrezikshmërisë.

“Rangimi i ri i komunave lidhur me masat anti Covid-19 tregon se po përmirësohet gjendja. Por, duhet të kemi kujdes maksimal pasi tani po qarkullon varianti i ri i virusit covid-19, i cili po përhapet shumë më shpejt”, thuhet në postimin e kryeministrit në detyrë.

-Advertisement-

Ministria e Shëndetësisë ka njoftuar se ka bërë rangimin e ri të komunave sipas zonave bazuar në numrin e rasteve të reja të COVID-19 në 100 mijë banorë në intervalin kohor prej shtatë ditësh.

Përmes një komunikate drejtuar mediave, MSH’ja ka bërë me dije se nga sot e deri më 15 janar, në zonën e kuqe, janë komunat: Prishtina, Fushë-Kosova, Mitrovica e Veriut, Zveçani, Obiliqi, Zubin Potoku dhe Leposaviqi.

Në zonën e verdhë, janë po ashtu 7 komuna: Mitrovica e Jugut, Ferizaji, Lipjani, Podujeva, Vushtrria, Parteshi, dhe Juniku.

Ndërsa, në zonën e gjelbër, janë 24 komuna: Kllokoti, Gjakova, Kamenica, Peja, Drenasi, Skënderaj, Istogu, Deçani, Shtërpca, Klina, Shtimja, Novobërda, Vitia, Prizreni, Suhareka, Kaçaniku, Rahoveci, Malisheva, Hani i Elezit, Dragashi, Mamusha, Gjilani, Ranillugu dhe Graçanica.

Subscribe në YouTube: GAZETA INFOKUSI

Të tjera

Fokusi

uncategorized