Lajme

Alarmon analisti: Do të zhvillohet fushatë e ashpër mes VV’së dhe PDK’së

Autori: Gazeta inFokus 12:46 | 03 February 2021

Zyrtarisht, ka nisur të mërkurën fushata për zgjedhjet e parakohshme parlamentare në Kosovë, shkruan Gazeta inFokus.

Kjo kohë fushate, nuk do të kalohet lehtë dhe pa tensione, sipas analistit politik, Nexhmedin Spahiu.

Spahiu, ka thënë për Gazetën inFokus se do të zhvillohet një fushatë e ashpër mes partive politike.

-Advertisement-

“Tensionet tashmë vetëm kanë filluar. Unë besoj se do të ashpërsohen akoma më shumë gjatë fushatës”, ka deklaruar ai.

Sipas analistit, Lëvizja Vetëvendosje dhe Partia Demokratike e Kosovës, janë dy partitë të cilat do të kenë më shumë përplasje gjatë fushatës.

“Kemi në një anë PDK’në e cila e ka pasur  pushtetin qe 20 vite, në anën tjetër fitoren e pritshme të Lëvizjes Vetëvendosje dhe ky është ndryshim radikal. Kështu që pushteti nuk dorëzohet me dëshirë, natyrisht që shumë struktura rrezikohen nga kjo përmbysje e pushtetit, prandaj pres që të acarohet situata. Mes LDK dhe PDK ka një koalicion të heshtur sepse asnjërës nuk i intereson të dobësohet tjetra sepse dobësimi i secilës nga këto, forcon Vetëvendosjen, kështu që këto janë të interesuara që mos të dobësohet asnjëra prej tyre”, ka thënë ai.

Gjithashtu, Spahiu ka treguar se domostrimi i forcës, është shenjë e ashpërsimit të fushatës.

“Tendenca për të demostruar forcë është ashpërsim i fushatës, e kemi parë këtë ditëve të fundit në Skenderaj dhe në Mitrovicë”, ka shtuar ai.

Ndryshe, fushata për zgjedhjet e parakohshme parlamentare në Kosovë, zgjatë 10 ditë, ku subjektet politike do të mbajnë tubime elektorale me qytetarët për të fituar besimin e tyre në garën e 14 shkurtit./Gazeta inFokus/

Subscribe në YouTube: GAZETA INFOKUSI
Birra të ftohta e me shumë ZBRITJE veç në Viva Fresh!
-Advertisement-

Të tjera

Fokusi

lajme