ALARMANTE: Drejtorët e klinikave në QKUK tejet të shqetësuar, pacientët në panik
Autori: Ermirë Berisha 21:14 | 30 June 2022
Numri i rasteve me virusin Covid-19 ka filluar të rritet dukshëm, por të shkosh për trajtim në spital e të mos ketë kush të kujdeset për ty padyshim që është shumë shqetësuese, kjo shpeshherë mund të përkeqësojë edhe më shumë gjendjen shëndetësore të pacientëve, shkruan Gazeta inFokus.
E kjo është një situatë e cila për 7 muaj rresht çdo ditë i ka shoqëruar pacientët të cilët kanë qenë të hospitalizuar në Qendrën Klinike Universitare të Kosovës.
Janë 6 klinika të cilat kanë shprehur shqetësim të jashtëzakonshëm nga mungesa e stafit të mesëm infermieror, ku sipas tyre kjo gjendje mund të ketë pasoja edhe më shumë nëse nuk ndermirën masa nga Ministria e Shëndetësisë.
Drejtori i klinikës së Pulmologjisë, Musa Hoxha, ekskluzivisht për Gazetën inFokus ka treguar se si pasojë e virusit Covid-19, numri i pacientëve është rritur, e ajo çka më shumë po e përkeqëson situatën është se për pacientët e hospitalizuar nuk ka kush të kujdeset.
“Por siç dihet gjatë kësaj kohe të pandemisë nevojat për pulmolog kanë qenë shumë të mëdha edhe nevojat e kërkesat e pacientëve kanë qenë normalisht më të mëdha, problemi më i madh i cili na ka përcjell ka qenë problemi i stafit të mesëm për infermierë edhe gjatë kohës së pandemisë edhe sidomos tash që iu është ndërprerë edhe kontrata stafit infermier që kanë ndihmu në kohen e pandemisë edhe momentalisht nevojat janë shumë më të mëdha për stafin infermier edhe këtu në kliniken e pulmologjisë sidomos në ketë kohë gjatë verës ku do të organizohen edhe pushimet vjetore”, ka thënë Dr. Hoxha.
Me të njëjtën brengë është shprehur edhe drejtori i klinikës së Otorinolaringologjisë Dr. Arsim Behramaj.
“Në aspektin e stafit jemi keq, tek ne ka mungesë mjaftë të madhe sidomos të motrave instrumentare që punojnë në sallë mirëpo edhe stafit tjetër qe janë nëpër reparte mirëpo ka mungesë edhe të stafit mbështetës p.sh personat që e bartin pacientin personat që pastrojnë që mirëmbajnë d.m.th. krejt janë në mungesë”, ka deklaruar Behramaj.
Kurse drejtori i Klinikës së Ortopedisë, Gani Jashanica, ka treguar se aktualisht si pasojë e mungesës së infermierëve, është e pamundur të funksionojnë me kapacitete të plota.
“Kapacitete të plota të resurseve humane nuk kemi, mjeke i kemi 35 motra i kemi 76 dhe duke e ditur që disa kanë probleme shëndetësore e disa janë në pushime të lehonisë dhe të shtatzënisë atëherë kemi mungesë të stafit sidomos të mesëm”, është shprehur Jashanica për Gazetën inFokus.
Kërkesa të mëdha për infermierë shtesë vazhdojnë të kenë edhe klinikat tjera të cilat funksionojnë në kuadër të QKUK.
Drejtoresha e klinikës së Neonatologjisë, Hajrie Ismaili, ka potencuar se për të filluar një shërbim të ri patjetër duhet të ketë rritje të stafit të infermierëve.
“Stafi specialistik tani për tani i mbulon nevojat, do të fillojmë edhe me një shërbim te ri te cilin mendojmë ta jetësojmë ketë vit shërbimi i transportit neonatal e kemi nevojë ende për staf shtesë”, ka thënë Ismaili për Gazetën inFokus.
Virusi Covid-19 ka shkaktuar dëme edhe të shëndetit mendor, e cila ka bërë të rritet numri i pacientëve.
Kjo mungesë e madhe e numrit të infermierëve ka përkeqësuar situatën edhe në klinikën Neuropsikiatrisë, ku sipas drejtorit, Faton Kullovci, situata është shumë e vështirë.
“Numri i infermierëve është vetëm dyfishi kemi d.m.th. 47 infermierë në kuadër të klinikës së psikiatrisë dhe ky në momente të caktume nuk është numër i mjaftueshëm sidomos në repartin e urgjencës dhe intensives psikiatrike ndonjëherë kemi vështirësi për ti menaxhuar situatat për shkak të mungesës së stafit”, ka deklaruar Dr. Kullovci.
E vulën kësaj situate shqetësuese ia ka dhënë një pacient i cili po trajtohet në Klinikën e Pulmologjisë, duke treguar gjendjen reale brenda klinike./Gazeta Infokus/
Të tjera
-
Dy persona gjenden të vd*ekur në Prishtinë në dy raste të ndara
Dy persona janë gjetur të vdekur në Prishtinë, në dy raste të ndara. Në ra...
-
Kurti: Masakra ndaj familjeve Bogujevci, Duriqi, Llugaliu na kujton sa i lartë ishte çmimi i lirisë
Kryeministri Albin Kurti, ka bërë homazhe te varrezat e anëtarëve të vrarë t...
-
Osmani përkujton masakrën e Izbicës: Dëshmi për rrugën e vështirë nëpër të cilën kaluam
Presidentja e Kosovës, Vjosa Osmani kujtoi ka përkujtuar 25-vjetorin e masakr...
-
Ndahen tetë milionë euro për 11 komuna
Ministri i Administrimit dhe Pushtetit Lokal, Elbert Krasniqi, ka njoftuar se...
-
Tetë mjekë dhe dy profesorë s’e kanë deklaruar fare pasurinë, ja lista
Më 12 mars ka qenë afati i fundit kur mjekët dhe profesorët është dashur të b...
-
Po garonin me vetura, policia gjobit dy shoferë
Policia e Kosovës ka bërë të ditur se mbrëmë janë gjobitur dy vozitës, të cil...
-
Haradinaj: Kosova humbi një mik të shquar, senatori Lieberman ishte mbështetës i fuqishëm i luftës sonë të drejtë
Kryetari i Aleancës për Ardhmërinë e Kosovës, Ramush Haradinaj, ka reaguar pa...
-
Bujar Osmani pret që Kosova të pranohet në Këshillin e Evropës në prill
Ministri i Punëve të Jashtme i Maqedonisë së Veriut, Bujar Osmani, ka përshën...
-
Kurti: Demonstratat e vitit 1989, simbol i rezistencës së popullit të Kosovës ndaj shtypjes serbe
Kryeministri Albin Kurti, ka kujtuar demonstratat popullore të vitit 1989, në...
-
Kurti sot bën homazhe në Besianë dhe Izbicë të Skenderajt
Kryeministri i Kosovës, Albin Kurti, sot to të bëjë homazhe te varrezat e anë...
-
Ministri Maqedonci pret homologun kroat, ministrja Haxhiu atë austriake
Ministri i Mbrojtjes së Kroacisë Ivan Anushiq sot do të qëndrojë për vizitë z...
-
Varr*oset sot gruaja që u vr*a aksidentalisht në derë të shtëpisë në Prishtinë
Sot varroset Zejnije Gubetini – Gashi, e cila u vra aksidentalisht natën e 26...