Lajme

Alarm për bombë afër Universitetit “Hasan Prishtina”

Autori: Gazeta inFokus 21:25 | 24 July 2022

Mbrëmjen e së dielës Policia e Kosovës ka pranuar informata për një shpërthim të mundshëm në Kompleksin e Universitetit “Hasan Prishtina” në Prishtinë, shkruan Gazeta Infokus.

Lajmin për Infokus e ka konfirmuar zëdhënësja e policisë për rajonin e Prishtinës, Flora Ahmeti, e cila ka thënë se policia ka dalë në vendin e ngjajes dhe ka nisur ndërmarrjen e veprimeve operative të nevojshme për të menaxhuar me situatën.

“Rreth orës 19:30 është pranuar informata për dyshimet që ndërlidhen me një shpërthim të mundshëm në Kompleksin e Universitetit “Hasan Prishtina” në Prishtinë.

Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë Ahmeti.

Kujtojmë se muaj më parë ka pasur alarm për bombë edhe afër Rektoratit të Universitetit të Prishtinës, që kanë rezultuar të jenë alarme të rreme./Gazeta Infokus/

Të tjera