Rozë

Al Pacino festoi 82-vjetorin e lindjes, zbuloni të dashurën 54 vite më të vogël se ai (Pamje)

Autori: Gazeta inFokus 10:05 | 27 April 2022

Al Pacino dhe e dashura e tij shumë më e re, Noor Alfallah, janë fotografuar së fundmi në shoqërinë e njëri-tjetrit.

Të dielën, ylli i “The Godfather” ka festuar ditëlindjen e tij të 82 në një restorant italian në West Hollywood, Kaliforni. Pranë tij ishte sigurisht partnerja 28-vjeçare, e cila u kujdes që të priste miqtë e ftuar.

Diferenca 54 vite duket se nuk është aspak një problem për çiftin e ri, pasi ata janë fotografuar të qeshur pranë njëri-tjetrit. Madje që të dy u shfaqen të kombinuar për mbrëmjen, pasi ishin veshur në të zezë.

-Advertisement-

“Daily Mail” shkruan se Noor është e njohur për lidhjet e saj me burra shumë më të mëdhenj se ajo. Më parë ka shijuar romancë me 78-vjeçarin, Mick Jagger, madje ka qenë e lidhur edhe me 91-vjeçarin, Clint Eastwood.

Nga ana tjetër, lidhja e fundit serioze e Al Pacinos ishte me aktoren izraelite, Meital Dohan, me të cilën u nda kur ajo ishte 40 vjeçe dhe ai 79 vjeç.

Aktori i famshëm ka tre fëmijë, një vajzë Julie, të cilën e ka me trajnerin e aktrimit, Jan Tarrant. Gjithashtu ka edhe binjakët Anton dhe Olivia, 21 vjeç, nga lidhja e tij e mëparshme me aktoren, Beverly D’Angelo.