Akuzohet se ia plotësoi përgjigjen në test kandidatit për mësues, deklarohet i pafajshëm zëvendësministri i Mbrojtjes
Autori: Gazeta inFokus 17:53 | 20 March 2023
Në Gjykatën Themelore në Prizren, të premten, i akuzuari Adnan Rexheplar, zëvendësministër i Mbrojtjes, është deklaruar i pafajshëm për akuzën se si kryesues i Komisionit për rekrutim të kandidatëve për mësues klasor në shkollën “Fetah Sylejmani”, në Dragash, ia ka shënuar përgjigjen në testin me shkrim kandidatit për mësues, Muhamed Misini.
Sipas aktakuzës, Redxheplar akuzohet se si kryesues i Komisionit për rekrutimin e kandidatëve në konkursin e shpallur nga Drejtoria Komunale e Arsimit (DKA) në Dragash, për pozitën mësues klasor në shkollën “Fetah Sylejmani”, ka shënuar përgjigjen e 11-të në testin me shkrim për kandidatin Muhamed Misini, për të cilën përgjigje i njëjti nga ana e Komisionit është vlerësuar me 4 pikë, raporton “Betimi për Drejtësi”.
I akuzuari Rexheplar u deklarua i pafajshëm lidhur me akuzën që i vihet në barrë, pas leximit të aktakuzës nga prokurorja Arjana Shajkovci.
Pas kësaj, gjykatësi Artan Sejrani ka obliguar të akuzuarin Redxheplar dhe mbrojtësin e tij, avokatin Esat Gutaj, që në afat prej 30 ditësh të paraqesin kërkesën për hudhjen e aktakuzës dhe kundërshtimin e provave.
Po ashtu, Sejrani ka obliguar prokuroren Shajkovci që pas pranimit të kërkesës për hudhjen e aktakuzës dhe kundërshtimin e provave, për të njëjtën të deklarohet me shkrim në afat prej 15 ditësh.
Ndryshe, sipas aktakuzës së Prokurorisë Themelore në Prizren, të ngritur më 9 shkurt 2023, Adnan Rexheplar, po akuzohet se si kryesues i Komisionit për rekrutimin e kandidatëve, sipas konkursit me numër 13/33, te shpallur nga DKA në Dragash, më 15 janar 2020, për pozitën mësues klasor në SHFMU “Fetah Sylejmani”, në fshatin Xërxë, Komuna e Dragashit, më 4 shkurt 2020, në ambientet e Kuvendit Komunal ne Dragash, si person zyrtar duke shfrytëzuar detyrën apo autoritetin zyrtar, dhe atë për kandidatin i cili ka aplikuar sipas konkursit të cekur, Muhamed Misini,
Aktakuza thotë që Rexheplar ka shënuar përgjigjen në testin me shkrim të kandidatit Muhamed Misini, dhe atë në pyetjen numër 11, për të cilën përgjigje i njëjti nga ana e Komisionit është vlerësuar me 4 pikë, ndërsa që dorëshkrimi në pyetjen me numër rendor 11, të këtij testi me shkrim nuk është i shkruar nga kandidati, Muhamed Misini, është vërtetuar nga raporti i ekspertimit, nga Agjencia e Kosovës për Forenzikë, të datës 5 tetor 2022.
Për këto veprime, Rexheplar po akuzohet se ka kryer veprën penale “Keqpërdorimi i pozitës apo autoritetit zyrtar”, nga neni 414, paragrafi 1 të Kodit Penal. /BetimipërDrejtësi
Të tjera
-
Konstituohet grupi i punës në Komisionin e Ligjeve
Ditën e sotme është konstituuar grupi i punës në Komisionin e Ligjeve, ku do ...
-
Kurti: Vlerat themeltare të KiE-së i rrinë natyrshëm qeverisjes sonë
Komiteti për Politikë dhe Demokraci i Asamblesë Parlamentare të Këshillit të ...
-
Itali/ Shembet rruga në Romë, gropa e madhe “përpin” 2 makina të parkuara (Pamje)
Diçka e pazakontë ndodhi në orët e para të 28 marsit në Romë të Italisë ku nj...
-
Tërmet i fortë në Itali, alarm edhe në Slloveni e Kroaci
EMSC njoftoi se të mërkurën në mbrëmje, rreth orës 22:19, veriu i Italisë u g...
-
BQK: Dërgesat e mërgatës deri në shkurt arritën në mbi 174 milionë euro
Rreth 88 milionë euro është vlera preliminare e dërgesave të mërgatës që janë...
-
Rritet numri i turistëve të huaj që vizitojnë Kosovën
Numri i turistëve të huaj që vizitojnë Kosovën është duke u rritur dita ditës...
-
Abdixhiku për tenderët njëburimor: Prokuroria Speciale duhet ta bëjë punën e vet, mosveprimi është aprovim i kësaj praktike
Kryetari i LDK’së, Lumir Abdixhiku, ka thënë se një kompani ka marrë tender s...
-
AMMK: Kosova në gjendje të rënduar të cilësisë së ajrit për shkak të pluhurit të Saharës
Agjencioni për Mbrojtjen e Mjedisit të Kosovës, ka dalë me një sqarim mbi sit...
-
“Turp”, Haki Abazi ankohet se që tri vjet s’ka mikrofon në Kuvend
Deputeti Haki Abazi është ankuar për mungesën e mikrofonave sot në Kuvendin e...
-
“Kryerrenc”, “derri dhe qingji”- deputeti i PDK’së i ashpër me Kurtin dhe deputetët e VV’së
Deputeti i PDK-së në Kuvendin e Kosovës, Ardian Kastrati, në seancën e jashtë...
-
“Dimal Basha, ulu!”, Konjufca i reagon deputetit të Vetëvendosjes që e pengoi deputeten e LDK-së në foltore
Derisa në foltoren e Kuvendit të Kosovës po fliste deputetja e LDK-së, Doarsa...
-
Humb jetën tragjikisht në vend të punës kosovari në Itali
Një ngjarje e rëndë ka ndodhur në Itali, ku një person nga Kosova ka humbur j...