Lajme

Akuza të reja për presidentin e Brazilit

Autori: Gazeta inFokus 11:23 | 15 Shtator 2017

Prokurori i lartë i anti-korrupsionit në Brazil ka akuzuar presidentin e vendit, Michel Temer për pengim të drejtësisë dhe dhënie të haraçit.

Temer akuzohet për marrjen e ryshfetit dhe për komplot “për të blerë heshtjen e një dëshmitari”.

Ky është grupi i dytë i kallëzimeve penale për presidentin e që bazohen në dëshminë e marrëveshjes së pranimit të fajit të pronarëve të kompanisë së përpunimit të mishit JBS.

-Advertisement-

Presidenti ka kundërshtuar fuqimisht të gjitha akuzat, transmeton Klan Kosova.

Akuza më e hershme për korrupsion u bllokua nga Kongresi i cili ka fuqinë për të vendosur nëse presidenti duhet të gjykohet.

Në raundin e dytë të akuzave, Temer akuzohet së bashku me gjashtë aleatë të tjerë politikë.

Kryeprokurori Rodrigo Janot ka thënë në një deklaratë se “presidenti veproi si udhëheqës i një organizate kriminale të përbërë nga anëtarë të lartë të partisë së tij”.

Ai ka thënë se i njëjti dyshohet se mori 190 milion dollarë ryshfet në këmbim të kontratave në kompanitë publike.

Akuzat e fundit duhet së pari të pranohen nga Gjykata Supreme përpara se të dërgohen për debat në Kongres derisa presidenti mendohet të ketë mbështetje të mjaftueshme në Kongres për të mos u vënë në gjyq.

Pretendimet kundër Temer janë pjesë e një sërë hetimesh të gjera penale nga prokurorët në korrupsion për elitën e Brazilit.

Dhjetëra politikanë dhe drejtues biznesi janë dënuar ose po akuzohen për skemat e përvetësimit dhe ryshfetit.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy