Rozë

Aktori i “Gladiatorit” gjendet i vdekur në hamamin turk

Autori: Gazeta inFokus 14:33 | 26 July 2021

Aktori skocez Mike Mitchell, i cili ka interpretuar në filma të mëdhenj si “Gladiator” dhe “Braveheart,” u gjet i vdekur në një hamam në Mugla, në jugperëndim të Turqisë.

Sipas agjencisë së lajmeve Demirören (DHA), Mitchell ka qenë duke pushuar në zonën turistike, por ndërsa ndodhej në hamam ka pësuar atak kardiak. Menaxheri i hamamit, Burak Ardahan filloi të dyshonte se diçka nuk ishte në rregull kur pa se aktori qëndroi tepër gjatë në dush. Ai shkoi të kontrollonte, por e gjeti të shembur përdhe.

Ardahan thirri menjëherë punonjësit shëndetësore, por ishte shumë vonë: aktori kishte ndërruar jetë tragjikisht. Trupi i Mitchell u transferua në morgun e Institutit të Mjekësisë Ligjore në Muğla, ku ai do t’i nënshtrohet autopsisë. Policia ka nisur një hetim mbi ngjarjen, edhe pse ataku kardiak duket se është arsyeja e fatkeqësisë.

-Advertisement-

Sipas site-t TMZ, Mitchell e kishte nisur karrierën si ‘bodybuilder’ e kishte fituar disa çmime, përfshirë atë të Mr. Universe, kampionate botërore të fitness-it, atë të burrit me të fuqishëm të Britanisë dhe në 2010-tën, kishte marrë dhe çmimin më të lartë të Federatës Botërore të Fitnesit, atë të Legjendës së Gjallë.

Subscribe në YouTube: GAZETA INFOKUSI
Black Friday ne Artmotion

Të tjera