Lajme

Aktakuzë ndaj mësimdhënësit që keqtrajtoi nxënësen 13 vjeçare në Viti

Autori: Gazeta inFokus 11:50 | 24 November 2021

Prokuroria Themelore në Gjilan ka ngritur aktakuzë për mësimdhënësit i cili ka keqtrajtuar, frikësuar fyer rëndë dinjitetin e nxënëses 12 vjeçare në Viti.

Në komunikatë thuhet se aktakuza kundër të pandehurit H.R., ështër ngritur për shkak të veprës penale ‘’Keqtrajtimi gjatë ushtrimit të detyrës zyrtare ose autorizimeve publike’’

“Sipas aktakuzës, i pandehuri H.R, më 01 Nëntor 2021, në një shkollë fillore në komunën e Vitisë, ka keqpërdorur detyrën dhe autorizimet e tij, ashtu që derisa ishte duke ushtruar detyrën e mësimdhënësit ka keqtrajtuar, frikësuar dhe fyer rëndë dinjitetin e të dëmtuarës, nxënëses të moshës 13 vjeçe, në atë mënyrë që fillimisht i bërtet me ton të lartë, ia përplas çantën për banke, pastaj e sulmon duke e goditur me shuplaka në fytyrë dhe kur e dëmtuara dëshiron të largohet nga klasa, i njëjti e ndalon duke e shtyrë me duar dhe e përplasë në karrige”, thuhet më tej në njoftim,

Të tjera