Aktakuza kundër Hashim Thaçit, drejtësi me dy standarde
Autori: Gazeta inFokus 12:59 | 02 July 2020
Publikimi i aktakuzës nga Gjykata Speciale për Kosovën kundër presidentit Hashim Thaçi dhe politikanëve të tjerë shqiptarë ka befasuar shumë. Raporti erdhi ndërsa presidenti Thaçi ishte duke shkuar në Uashington për të diskutuar me një delegacion serb për një zgjidhje politike midis Kosovës dhe Serbisë, shkruan Naim Malaj, ish-ambasadori i Kosovës në Zvicër, për gazetën zvicerane ”Le Temps”.
Ky është shkrimi i tij për gazetën zvicerane ”Le Temps”:
Duke dashur të bëjë studentin e mirë, parlamenti i Kosovës votoi për krijimin e kësaj gjykate që, megjithatë, nuk ka gjyqtar kosovar në radhët e saj. Ky gjykatë tani po kthehet kundër atyre që e themeluan atë dhe duke akuzuar liderët më të vjetër të shtetit të ri kosovar. Kjo aktakuzë ndaj presidentit Thaçi shihet si aktakuzë ndaj vetë Ushtrisë Çlirimtare të Kosovës, si një veprim nihilist dhe mohues i luftës së Kosovës dhe i viktimave civile.
Unë mbetem i mendimit që Hashim Thaçi duhet të paraqitet në Hagë dhe të hedhë dritë për luftën e Kosovës, për luftën e UÇK-së. Ai duhet të shpjegojë rrethanat e krijimit të kësaj ushtrie, të përbërë nga joprofesionistë dhe të armatosur keq, që lindi nga nevoja për të mbrojtur popullsitë etnike shqiptare të Kosovës, si forcë e rezistencës kundër gjenocidit, spastrimit etnik, përdhunimeve, dëbimeve masive, sistematike dhe shtetërore të shqiptarëve nga regjimi i Beogradit.
Ndërsa kjo aktakuzë, pa konfirmimin e një gjykatësi, prodhon vetëm tituj gazetash, krijon një dëm të konsiderueshëm për Kosovën, shkakton një ndjenjë padrejtësie duke ushqyer tezat e një komploti europian kundër një marrëveshjeje të mundshme për shkëmbimi territoresh mes Kosovës dhe Serbisë. Duhet të kujtojmë se forcat ushtarake dhe paraushtarake të formuara nga Beogradi i Millosheviçit, shkaktuan 13 000 viktima të pafajshme, 10 000 gra kosovare të dhunuara (përfshirë të mitur dhe fëmijë) dhe 1 643 njerëz ende të zhdukur.
Kjo aktakuzë vjen në një kohë kur drejtësia nuk është bërë akoma për veprimet e spastrimit etnik, ku 1 milion civilë shqiptarë u dëbuan nga qytetet dhe fshatrat e tyre. Ata madje kishin konfiskuar dhe djegur dokumentet e tyre të identitetit për të fshirë të gjitha gjurmët e ekzistencës. Disa prej tyre u vranë në kushte tragjike, makabre dhe gjenocidale.
Aktakuza për krime lufte dhe krime kundër njerëzimit shihet si disproporcionale dhe e padrejtë nga opinioni kosovar dhe më gjerë. Drejtësia ndërkombëtare ka dështuar të dënojë kriminelët serbë të luftës. Vetëm pesë zyrtarë serbë janë dënuar për krimet e tyre të kryera në Kosovë dhe një është liruar.
Kjo aktakuzë vjen në një kohë kur Kosova po rrit përpjekjet e saj për të gjetur mënyra për të jetuar në paqe me Serbinë. Sigurisht që drejtësia duhet të bëhet, por jo me dy standarde. Viktimat mbeten viktima, pavarësisht palëve. Një ushtri çlirimtare që mbron jetën e pafajshme kundër agresionit të një shteti mbetet një mjet i ligjshëm për të luftuar kundër shtypjes.
Konteksti i kësaj lufte bëri që edhe Forcat Aleate të ndërhynin ushtarakisht, le të mos harrojmë. Pastrimi etnik, eksodi, përdhunimi, masakrimi i familjeve dhe i fshatrave të tërë të shqiptarëve ende presin drejtësi dhe njohje.
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...