Lajme

Aksioni i Policisë vazhdon në Zveçan, gaz lotsjellës e bllokim rrugësh

Autori: Gazeta inFokus 11:10 | 13 October 2021

Portali serb RadioKim raporton se aksioni i Policisë për konfiskim të mallrave të kontrabanduara ka vazhduar në Zveçan.

Sipas këtij portali, situata në këtë qytet është e tensionuar. Sipas videove, policët shihen teksa përgjigjen me gaz lotsjellës.

Image

“Qytetarët serbë po mblidhen në qytet. Është bllokuar rruga ‘Kafeneja e Komos’”, ka shkruar RadioKim.

Më herët Policia e Kosovës ka ndërmarrë aksion në veri të Mitrovicës, për të konfiskuar mallin e kontrabanduar. Aksioni po kryhet në disa qytete dhe në bashkëpunim me Doganën e Kosovës.

Policia është sulmuar gjatë punës edhe në veri të Mitrovicës.

Të tjera