Lajme

Aksioni “Brezovica” vazhdon në Prishtinë: Shtatë të arrestuar

Autori: Gazeta inFokus 09:30 | 21 September 2022

Njësia Speciale e Kosovës në koordinim me Prokurorinë e Shtetit ka nisur një operacion të kontrolleve në disa prej lagjeve luksoze të Prishtinës.

Ky aksion është i ndërlidhur me rastin Brezovica.

Prokurori i rastit, Rasim Maloku ka thënë sot për Paparacin se 8 lokacione lokacione janë pjesë e bastisjes.

-Advertisement-

“Mund të ju konfirmoj se janë tetë lokacione ku jemi duke zhvilluar aksionin”, ka thënë prokurori Maloku për Paparacin.

Ai ka thënë se deri tani janë arrestuar shtatë persona në aksionin i cili po zhvillohet.

“Janë shtatë persona të arrestuar”, u shpreh Maloku.

Nga katër aksionet në rastin e ashtuquajtur “Brezovica”, deri më tani janë arrestuar 26 të dyshuar, prej të cilëve 4 janë liruar në procedurë të rregullt dhe 19 prej tyre iu është caktuar masa e paraburgimit, kurse u janë bllokuar afër 6 milionë euro.

Në mesin e këtyre të arrestuarve, është edhe ish-kryetari i Komunës së Shtërpcës, Bratislav Nikoliq, i cili dyshohet se ka përfituar 1 milion euro jashtëligjshëm nga dhënia e lejeve për ndërtim të villave në zonën e Brezovicës.

Po ashtu, nga ky aksion u arrestuan zyrtarë të lartë të Ministrisë së Infrastrukturës (MI) dhe pronarë të kompanive të ndryshme ndërtimore, përfshirë këtu edhe Arben Çitakun, ish-sekretar i Ministrisë së Ambientit si dhe S.I, kryetarin e bordit të “Ski Center Brezovica“ dhe doganierin N.G.

Ndryshe, aksioni “Brezovica”, filloi më 21 dhjetor 2021 dhe është i udhëhequr nga prokurori Rasim Maloku nga Prokuroria Themelore në Ferizaj, në koordinim me Policinë e Kosovës -Drejtorinë e Krimeve të Rënda në Prishtinë, të cilët kanë zhvilluar këtë aksion në Komunën e Shtërpcës.

Fillimisht në këtë aksion, me urdhër të prokurorit, janë arrestuar dhjetë persona të dyshuar, ndërsa në mesin e tyre edhe ish-kryetari i Komunës së Shtërpcës, drejtori i Urbanizmit, disa zyrtarë të tjerë dhe disa pronarë të firmave, për shkak të dyshimit për veprat penale “Marrja e ryshfetit”, “Dhënia e ryshfetit” dhe “Keqpërdorimi i pozitës apo autoritetit zyrtar” të Kodit Penal të Republikës së Kosovës (KPRK).

Subscribe në YouTube: GAZETA INFOKUSI
Etiketa:
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme