Lajme

Aksion i madh nga Policia e Kosovës në bashkëpunim me DEA-n amerikane, arreston dhjetë persona (FOTO)

Autori: Gazeta inFokus 16:16 | 28 June 2017

Policia e Kosovës në bashkëpunim me DEA-n amerikane arreston dhjetë (10) persona të dyshuar (në të dyja vendet), si dhe konfiskon armë dhe prova tjera materiale.

Pas hetimeve të zhvilluara për një periudhë tremujore, Policia e Kosovës, Divizioni Kundër Krimit të Organizuar, konkretisht Drejtoria për Hetimin e Trafikimit me Narkotikë (DHTN) në bashkëpunim me DEA-n amerikane ka realizuar tri operacione policore. Hetimet janë zhvilluar në bashkëpunim të ngushtë me zyrtarët amerikan në mënyrë paralele në të dyja vendet. Dy operacione janë realizuar në Republikën e Kosovës (rajoni i Pejës) dhe një në New York. Në mbështetje të realizimit të operacioneve kanë qenë pjesëmarrës: Drejtoria e Njësive Speciale, Drejtoria për Mbështetje të Hetimeve, Drejtoria e Forenzikës dhe njësi të tjera policore të PK-së në koordinim me Prokurorinë Speciale dhe gjykatën kompetente.

Operacioni i parë është realizuar me 18 qershor 2017 rreth orës 18:30, ndërsa operacioni i dytë është realizuar me 27 qershor 2017 rreth orës 19:45 në Klinë. Operacionet kanë rezultuar me arrestimin e katër (4) personave në Kosovë dhe gjashtë (6) personave në New York si dhe janë konfiskuar armë dhe prova të tjera materiale.

-Advertisement-

Personat e arrestuar në Kosovë janë:

  • A. K.                     lindur me 1988                        m/sh/k
  • M. D.                     lindur me 1987                        m/sh/k
  • D. P.                      lindur me 1994                        m/sh/k
  • D. M.                     lindur me 1989                         m/sh/k

Armët dhe dëshmitë tjera të konfiskuara janë:

  • 15 armë automatike AK-47
  • 120 fishekë, 7.62 mm
  • 1 anti-tank (zolla)
  • 1 pistoletë
  • 1 pushkë ajrore
  • 63000 € ( gjashtëdhjet e tremijë euro)
  • 2 vetura
  • 4 telefona celuarë

Me urdhër të prokurorisë kompetente personat e dyshuar janë dërguar në qendrën e mbajtjes për procedura të mëtejme ligjore.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme