Lajme

Aksidentoi për vdekje këmbësorin dhe e hodhi në kanal, arrestohet pas 10 ditësh shoferi në Elbasan

Autori: Gazeta inFokus 10:15 | 22 January 2022

Një shofer 48-vjeçar është vënë në pranga pasi dyshohet se ka goditur me automjetin e tij tip “Audi” një 83-vjeçar. Si pasojë e përplasjes, i moshuari ka ndërruar jetë.

Policia ka njoftuar se në vend që të njoftonte autoritetet, shoferi ka fshehur trupin e pajetë të 83-vjeçarit duke e hedhur në një kanal me qëllim fshehjen e ngjarjes.

Pas 10 ditësh hetime, uniformat blu kanë mundur që të gjejnë mjetin me të cilin ky person ka aksidentuar të moshuarin.

-Advertisement-

“Pas ngjarjes së ndodhur më datë 11 janar në segmentin rrugor fshati Thane – Elbasan ku një 83-vjeçar u gjet i pajetë në kanal, Strukturat e Hetimit të Krimit në Komisariatin e Policisë Elbasan në bashkëpunim me Specialistët e Sektorit të Qarkullimit Rrugor të DVP Elbasan, kanë kryer një sërë veprimesh hetimore për zbardhjen e ngjarjes. Si rezultat i punës profesionale dhe hetimore të pandërprerë dhe kontrollit të zonës në perimetër të gjerë, u bë e mundur zbardhja e ngjarjes, identifikimi, kapja dhe shoqërimi i drejtuesit të mjetit që shkaktoi aksidentin me pasojë vdekje. Gjithashtu u bë e mundur gjetja dhe sekuestrimi i mjetit tip Audi që ky shtetas dispononte me të cilin shkaktoi aksidentin me pasojë jetën 83-vjeçarit”.

Grupi hetimor, nën drejtimin e Prokurorisë së Rrethit Gjyqësor Elbasan, vazhdon hetimet për zbardhjen e plotë të rrethanave të ngjarjes dhe dokumentimin me prova ligjore./tvklan

Subscribe në YouTube: GAZETA INFOKUSI