Lajme

Aksidenti tragjik në Bullgari, reagon Albin Kurti: Momente të vështira si këto lehtësohen duke i qëndruar pranë njëri-tjetrit

Autori: Gazeta inFokus 10:37 | 23 November 2021

Kryeministri i Kosovës, Albin Kurti ngushëlloi familjarët e viktimave të aksidentit tragjik që ndodhi në orët e hershme të mëngjesit të sotëm në Bullgari.

Kurti përmes një reagimi ka thënë se Republika e Kosovës është në gatishmëri të plotë për të ofruar ndihmën e saj në çdo kapacitet.

Kujtojmë se në aksidentin e sotëm në Bullgari kanë mbetur të vdekur 46 persona, ndërsa gjashtë janë në trajtim mjekësor. /Gazeta Infokus/

Postimi i plotë:

I trishtuar dhe i pikëlluar nga lajmi për aksidentin tragjik në Bullgari.

Shpreh ngushëllimet më të sinqerta dhe ndaj dhimbjen me familjet e viktimave, dhe u bashkohem lutjeve për shërim sa më të shpejtë të të lënduarve. Momente të vështira si këto lehtësohen duke i qëndruar pranë njëri-tjetrit.

Republika e Kosovës bashkëndjen me Maqedoninë e Veriut, popullin e saj dhe të gjithë shqiptarët e tronditur nga ky lajm i kobshëm, dhe shprehë gatishmërinë e plotë për të ofruar ndihmën e saj në çdo kapacitet.

Të tjera