Lajme

Aksidenti afër konvikteve: Dy persona në gjendje të rëndë, njëri nga ta do të dërgohet në intensivë

Autori: Gazeta inFokus 12:11 | 08 May 2024

Gjashtë persona kanë mbetur të lënduar nga një aksident që ka ndodhur sot afër konvikteve në Prishtinë.

Që të gjashtit janë dërguar në emergjencë për trajtim, por dy prej tyre janë në gjendje shumë të rëndë shëndetësore.

Gazeta Infokus, ka arritur të marr një prononcim nga mjeku kujdestar, Avdush Bajgora, i cili ka thanë se njëri nga ta do dërgohet në trajtim intensiv.

-Advertisement-

“Prej atyre pacientëve, dy pacientë janë në gjendje të rëndë, ndërsa tek njëri më është dashur të kryej, intubacionin sepse është gjendja e rëndë dhe ka gjakderdhje epidurale, i cili sipas të gjitha gjasave do të dërgohet në mjekim intensiv”, tha Bajgora për Infokusin.

Detaje për aksidentin ka dhënë zëdhënësja e Policisë së Kosovës për rajonin e Prishtinës, Flora Ahmeti. Ajo tha për Infokus se me rastin po merret hetuesia nga njësiti i trafikut rrugor. “Sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku.

Në këtë aksident kanë qenë të përfshira, dy automjete të cilat kanë qenë në lëvizje. Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor”, tha Ahmeti./Gazeta Infokus/

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme