Lajme

Aksident tragjikë në Drenas, humb jetën një grua

Autori: Gazeta inFokus 09:38 | 05 April 2021

Një grua ka humbur jetën në një aksident i cili ka ndodhur gjatë të dielës.

Kështu ka njoftuar Policia e Kosovës përmes raportit 24-orësh, shkruan Gazeta Infokus.

Sipas Policisë viktima përderisa ishte duke vozitur veturën është vetëaksidentuar.

Ngjarja ka ndodhur të dielën rreth orës 21:05.

“Raportohet se viktima femër kosovare përderisa ishte duke lëvizur me veturën Renault me targa lokale, duke mos përshtatur shpejtësinë e lëvizjen me kushtet e rrugës është veteaksidentuar dhe si pasoj dy viktima femra kosovare kane pësuar lëndime trupore ku njëra prej tyre ka ndërruar jete në vendin e ngjarjes ndërsa viktima tjetër është dërguar ne QKUK”, thuhet në raport.

Vdekjen e viktimës e ka konstatuar ekipi mjekësor ne vendin e ngjarjes, ndërsa me vendim të prokurorit trupi i pa jete i viktimës u lirohet familjareve./Gazeta Infokus/

Të tjera

Fokusi

lajme