Lajme

Aksident i rëndë në Podujevë, lëndohen 7 persona

Autori: Gazeta inFokus 09:25 | 16 July 2021

Shtatë persona janë lënduar si pasojë e një aksidenti trafiku që ka ndodhur sot rreth orës 07:30, në rrugën Prishtinë-Podujevë, përkatësisht në fshatin Lluzhan.

Në këtë aksident kanë qenë të përfshira tri vetura.

Lajmin e ka konfirmuar zëdhënësi i Policisë Rajonale të Prishtinës, Agron Borovci.

-Advertisement-

“Sot rreth orës 07:30, në rrugën Prishtinë-Podujevë, respektivisht në fshatin Lluzhan, ka ndodhur një aksident trafiku rrugor në mes tri automjeteve.
Bazuar në të dhënat fillestare, si pasojë e aksidentit janë lënduar shtatë persona, të cilëve u është ofruar ndihmë mjekësore. Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident” tha Borovci.

Subscribe në YouTube: GAZETA INFOKUSI

Të tjera

Fokusi

lajme