AKI-ja protagoniste e aksionit ku u kap arsenal armësh në Zveçan
![](https://gazetainfokus.com/wp-content/uploads/2023/06/96121687625143.jpg)
Autori: Gazeta inFokus
18:55 | 24 June 2023
Aksioni policor i cili rezultoi me zbulimin e veturës me targa të Beogradit, në të cilën u kap arsenal armësh në Zveçan, KosovaPress merr vesh ishte nisur nga Agjencia e Kosovës për Inteligjencë (AKI).
Në këtë aksion u kap armatim i prodhimit të Serbisë, ndër to granata të dorës prodhuar në vitin 2021, të tilla që janë përdorur në sulmin e 29 majit 2023 në Zveçan, kundër ushtarëve të KFOR-it; jelekë me mbishkrime të njësiteve ruse, serbe dhe logo e shenja identifikuese të organizatës “Severna Brigada”, si dhe mjete shpërthyese të përdorura më herët nga formacioni ilegal me aktivitete kriminale “Mbrojtja Civile”.
Kryeministri i Kosovës, Albin Kurti ka thënë se sasia e madhe e armatimit të gjetur tregon për përmasat e aksionit të planifikuar e të pasojave të parandaluara. Derisa ka shprehur mirënjohje ndaj PK-së dhe AKI-së për punën që po bëjnë gjithë këto kohë në ruajtën e ligjshmërisë dhe kushtetutshmërisë dhe në parandalimin e krimit e terrorizmit në atë pjesë të Republikës së Kosovës.
“Mbrëmë, Policia e Kosovës (PK) në bashkëpunim me Agjencinë e Kosovës për Inteligjencë (AKI) kanë parandaluar një sulm terrorist duke zbuluar në Zveçan, 100 metra afër objektit të Komunës, një veturë me shumë armë, municion e pajisje të ndryshme ushtarake Serbia qartazi është e pozicionuar për përshkallëzim të situatës. Përveç agresionit që Serbia ka ndërmarrë ndaj Republikës së Kosovës duke rrëmbyer 3 zyrtarë të Policisë së Kosovës brenda territorit tonë në 14 qershor 2023, ajo luftimin e rendit juridik dhe kushtetues të Republikës së Kosovës e ka çuar një hap me tutje me organizimin e sulmeve terroriste”, ka shkruar Kurti në Facebook.
Pas këtij aksioni të suksesshëm të Policisë së Kosovës dhe Agjencisë së Kosovës për Inteligjencë kanë reaguar edhe shoqëria civile.
Drejtori i KIPRED, Lulzim Peci ka thënë se aksioni i djeshëm i PK-së në zbulimin e një sasie të madhe te armatimit në Zveçan meriton komplimente.
“Vuçiqi paralajmëronte se diçka mund të ndodh në veri më 28 qershor, por tani ka gjasa të mëdha se kjo dëshirë e tij të këtë pësuar fiasko! Kjo padyshim ka të bëjë me realizimin e ëndrrës së tij për ndarje të Kosovës. Koncepti i ‘Botes Serbe’, meton nëse jo sovranitetin e plotë atëherë ko-sovranitetin në vendet fqinje të saj ku jeton populli serb”, ka shkruar ai.
Përndryshe, të premten në Zveçan, policia ka zhvilluar një aksion, ku ka ndaluar veturën Audi në të cilën janë sekuestruar nëntë zola, dy lansues, dy osa, një predhë e minahedhësit, 21 granata dore, 20 predha të tromblonit, dy mbushës të barutit, 10 armë të gjata automatike, një revole, një shurdhues i armëve, 51 karikatorë të armëve të gjata, pesë karikatorë të armëve të shkurta, 5 mijë e756 fishekë të kalibrit të ndryshëm, 18 koktej molotovi, 17 mjete piroteknike, 14 mete tymuese, 5 thika ushtarake, 11 jelekë antiplumb dhe statik, 9 uniforma ushtarake, një palë dylbi, dy maska pambuku për kokë, një maskë kundër helmeve dhe gazërave, një dyshek ushtarak për nevoja të snajperistëve, 19 emblema të ‘severna brigadës’, një telefon ajror me sim kartelë dhe numër, tre radiolidhje dhe mbushës po ashtu, si dhe një sasi e narkotikëve.
![](https://gazetainfokus.com/wp-content/uploads/2023/10/IMG_8290.png)
Të tjera
-
Pamje: Lajçak e Vuçiq s’i japin çehre njëri-tjetrit në takim – Presidenti serb ia lë disa letra përpara
Po vazhdon takimi i të dërguarit të BE-së për dialogun ndërmjet Kosovës dhe S...
-
“Serbia do të nxisë situata që i duhen për agjendën e saj, Kosova të ketë kujdes”
Ish-kryenegociatorja, Edita Tahiri, tha se Serbia po punon vazhdimisht për kr...
-
Kryetari i Suharekës po qëndron në QKMF me të lënduarit nga aksidenti në Carralevë
Së paku tre persona kanë pësuar lëndime të lehta trupore si pasojë e aksident...
-
Reagon presidenca: Osmani s’ka blerë asnjëherë biletë biznes klase, kompania ia caktoi ulësen
Këshilltari për media i presidentes së Republikë së Kosovës, Bekim Kupina, ka...
-
Specialja merr vendimin e radhës për Haxhi Shalën
Paneli i Gjykatës Supreme të Speciales ka hedhur poshtë kërkesën e Haxhi Shal...
-
Dorëzohet në Kuvend peticioni për projekt-ligjin për parandalimin e vẹṭëvrạsjẹs me mbi 13 mijë nënshkrime
Në ditën botërore të parandalimit të vetëvrasjeve, organizata “Linja e Jetës”...
-
Aksident i rëndë në Kukës, vdẹs 46-vjeçari, lëndohet vajza e mitur
Një aksident i rëndë ka ndodhur mëngjesin e kësaj të marte në Kukës. Sipas...
-
Osmani udhëton drejt Polonisë për Samitin global “Vital Voices Summit
Presidentja e Kosovës, Vjosa Osmani ka udhëtuar për në Poloni për të marrë pj...
-
Vdes në vendin e punës vëllai i ish-ministrit të Kosovës
Vëllai i ish-ministrit të Bujqësisë, Idriz Vehapi, Ramiz Vehapi ka ndërruar j...
-
Osmani udhëton drejt Polonisë për Samitin global “Vital Voices Summit
Presidentja e Kosovës, Vjosa Osmani ka udhëtuar për në Poloni për të marrë pj...
-
Abdixhiku takon shefin e ri të zyrës së BE-së, flasin për zgjedhjet e 9 shkurtit
Kryetari i LDK-së, Lumir Abdixhiku, ka pritur sot në takim shefin e ri të Zyr...
-
Sulmuan policët, arrestohen 4 të rinj serb në Mitrovicë Veriore
Policia e Kosovës mbrëmë rreth orës 00:20 ka arrestuar katër serbë në Mitrovi...