Ajazi flet për kundërkandidatët në Drenas: Lladrovci është i dalë mode, Kiqina ka zgjedhur partinë e gabuar
Autori: H. Smajli 16:56 | 14 September 2021
Driton Ajazi, kandidat për kryetar të Drenasit nga formacioni politik “Demokratët për Drenasin”, i cili deri para një muaji ishte pjesë e Partisë Demokratike të Kosovës në këtë qytet ka komentuar kundërkandidatët në garën për këtë komunë, për zgjedhjet e 17 tetorit.
Në një intervistë për Gazetën Infokus, Ajazi e ka filluar komentimin me kryetarin aktual, Ramiz Lladrovci.
Ai e ka quajtur atë si të dalë mode dhe si objekt talljeje.
Pra Ajazin nuk e tremb fare gara me Lladrovcin, shkruan Gazeta Infokus.
“Kryetari aktual është një figurë e dalur mode dhe gara e tij me mua qysh në start është e humbur e këtë e ka ditur edhe Partia Demokratike, mirëpo e ka shty përpara. Dhe për këtë arsye, ne duke mos u pajtuar atëherë si struktura të partisë, kemi formuar formacioni tonë politik “Demokratet për Drenasin”, sepse kryetari aktual nuk ka qenë kandidati që e ka përfaqësuar më së pari PDK-në dhe elektoratin e saj dhe prezantimi me të është humbje e madhe, qoftë për qytetarët e Drenasit, qoftë për vetë partinë. Si rezultat i saj ne të gjithë e dimë që kryetari aktual ka qenë objekt tallje në të gjithë Kosovën për batutat e tij se sa për ndonjë punë të mirë që e ka bërë për komunën e Drenasit. Kaq sa i përket figurës së tij”, ka thënë Ajazi.
Ndërsa ai ka komentuar përsëri njërin nga bashkë partiakët e tij që tani kandidon me Lëvizjen Vetëvendosje për kryetar komunë në këtë qytet dhe ka thënë se Fejzi Kiqina ka zgjedhur partinë e gabuar.
“Ndërsa kandidati tjetër Z. Kiqina është një kandidat i cili ka shku në partinë e gabuar sepse edhe ai ka qenë një ndër ne që kemi qenë pjesë e PDK-së bashkërisht deri para një muaji. Ai ka qenë njëri ndër anëtarët më të votuar të këshillit drejtues. Ai vazhdoj garën mirëpo e ka zgjedhur subjektin e gabuar që të vazhdojë garën dhe kjo është ajo që e penalizon. Po të ishte pjesë e aktiviteteve të përbashkëta që i kemi zhvilluar besoj që do të kishte një ekip edhe më të fuqishëm mirëpo ai ka zgjedhur subjektin e gabuar”, ka deklaruar Ajazi .
Dhe për fund kundërkandidatin tjetër i cili garon si kandidat i pavarur edhe në këto zgjedhje lokale, Xhavit Drenorin, ai e quan të “konsumuar politikisht”.
“Ndërsa sa i përket Xhavit Drenorit , ai ka qenë një aktivist i kahershëm. Nuk është pajtuar asnjëherë me keqqeverisjen që ka ndodhë në Drenas. Ai ka qenë mjaft i zëshëm- ka reaguar për situata të ndryshme mirëpo aktiviteti i tij politik është konsumuar për vetë faktin se ka qenë dy palë zgjedhje dhe ka bredhë nëpër subjekte të ndryshme dhe për këtë arsye ai, sipas mendimit tim është konsumuar politikisht’, ka përfunduar Ajazi.
Kujtojmë se zgjedhjet lokale do të mbahen me 17 tetor, ani pse u diskutua shtyrja e tyre, partitë politike opozitare pas takimit me presidenten, Vjosa Osmani nuk e pranuan një gjë të tillë e megjithatë për shkak të situatës me COVID-19 propozuan zvogëlimin e ditëve tëfushatës.
Propozim ky i cili sot nuk u pranua nga Komisioni Qendror Zgjedhor, të cilët deklaruan se fushata është 10 ditë dhe nuk mund të ndryshohet vetëm në rast se bëhet ndryshimi i ligjit në Kuvendin i Kosovës./Gazeta Infokus/
Të tjera
-
DASH: Ndalimet arbitrare të qytetarëve dhe policëve të Kosovës, veprime përshkallëzuese
Lëvdatat nga bashkësia ndërkombëtare që priste kryetarja e Kuvendit të Serbis...
-
Kércënoi tre gratë e familjes, arrestohet një burrë në Ferizaj
Policia e Kosovës ka arrestuar një burrë në Ferizaj pasi u raportua në polici...
-
Dugolli: Në Bruksel nuk po diskutohet për dinarin
Deputeti i partisë në pushtet Vetëvendosje, Enver Dugolli, duke komentuar sje...
-
11 vjet nga marrëveshja e parë Kosovë-Serbi në Bruksel
Sot bëhen 11 vjet nga nënshkrimi i marrëveshjes së parë mes Kosovës dhe Serbi...
-
G7 rikonfirmon mbështetjen financiare dhe ushtarake për Ukrainën
Grupi i shtatë vendeve më të zhvilluara të botës ripohoi mbështetjen e tij pë...
-
Ulutash i pranishëm në stërvitjen e Ushtrisë serbe “Whirlwind 2024”
Me ftesë të shefit të Shtabit të Përgjithshëm të Forcave të Armatosura të Ser...
-
Nënkryetarja e kryeqytetit do të ligjërojë kundër dhunës me bazë gjinore
Nënkryetarja e Kryeqytetit, Jehona Lushaku Sadriu do të ligjërojë kundër dhun...
-
Hajdari raporton sot në Komisionin për Integrime Evropiane
Ministrja e Industrisë, Ndërmarrësisë dhe Tregtisë, Rozeta Hajdari, do të rap...
-
Kurti viziton nga afër fillimin e punimeve në rrugën Kijevë-Dollc
Kryeministri i Kosovës, Albin Kurti, do të vizitojë fillimin e punimeve të pr...
-
Maqedonci: Kemi informacione se Serbia sot do të testojë dronë kamikazë në kufi me Kosovën
Ministri i Mbrojtjes së Kosovës, Ejup Maqedonci 24 orë pas bllokimit në kufi ...
-
SHBA bllokon nismën për anëtarësimin e territoreve palestineze në OKB
Shtetet e Bashkuara të enjten bllokuan OKB-në nga njohja e një shteti palesti...
-
Qalaj: Jankoviq duhet të intervistohet nga AKI-ja dhe PK-ja se çfarë informacionesh dha në Serbi
Deputeti i Partisë Demokratike të Kosovës, Rashit Qalaj, ka thënë se zëvendës...