Lajme

Ahmeti: Shteti mbledh 1 miliard euro nga qytetarët dhe s’po ua kthejmë

Autori: Gazeta inFokus 20:18 | 18 November 2020

Kryetari i Komunës së Prishtinës Shpend Ahmeti ka deklaruar se në kohën kur bota merr kredi për shtimin e kapitalit në ekonomi, Kosova merr para nga ekonomia dhe i mban në bankë.

“Krejt bota merr kredi për të futur kapital të shumënevojshëm në ekonomi, ne kemi marr para nga ekonomia dhe po i mbajmë në bankë. Pra, përveç krizës ne kemi marr nga qytetarët dhe nuk kemi gjet mënyrë me i kthyer. Vetëm gjysma e këtyre fondeve të kthehej në këtë periudhë përmes programeve kreative do të kishte ndikim të madh”, ka shkruar ai në Facebook.

Postimi i plotë:

Bashkëqytetarë të nderuar

Paradoksi më i madh i situatës në Kosovë që ka pasoja marramendëse tek ne!

Shteti/qeveria i/e Republikës së Kosovës i ka në bankë qendrore të mbledhura nga ATK e Doganat e të pashpenzuara sot më 18 Nëntor 2020 më shumë se 1 (miliardë) Euro.

Po, Po mirë e lexuat – 1 MILIARD EURO!

Prej vendimeve që qeverisë së kaluar për ndalimin e investimeve kapitale e deri te mos lëvizja e qeverisë së tanishme janë akumuluar fonde marramendëse. Kur teoria kryesore në krejt botën është e shpenzimeve e kërkesës agregate, ne kemi shkuar në drejtimin e kundërt me kursime.

Krejt bota merr kredi për të futur kapital të shumënevojshëm në ekonomi, ne kemi marr para nga ekonomia dhe po i mbajmë në bankë. PRA, përveç krizës ne kemi marr nga qytetarët dhe nuk kemi gjet mënyrë me e kthyer.

Ne s’paskemi nevojë as të kreditohemi as të shpikim shpenzime e transfere nga trusti. Vetëm gjysma e këtyre fondeve të kthehej në këtë periudhë përmes programeve kreative do të kishte ndikim të madh.

Nuk është koha për konzervatizëm e kontabilitet. Është koha për kreativitet e shpenzim.

Të tjera