Ahmeti propozoi të hiqen oraret e lëvizjes, të hapen çerdhet, shkollat e kufijtë – kjo është përgjigja e Ministrisë së Shëndetësisë
Autori: Gazeta inFokus 18:47 | 22 May 2020
Kryetari i Prishtinës, Shpend Ahmeti dha dje disa propozime për hapje më të madhe të vendit, pas rënies drastike të rasteve me coronavirus. Ai dha disa ide dhe ato u mirëpritën nga ndjekësit e tij. Në Ministrinë e Shëndetësisë thonë se shume prej këtyre propozimeve ndodhin në qershor, kur fillon faza e tretë e hapjes, shkruan Reporteri.
Kryetari i Komunës së Prishtinës, Shpend Ahmeti, ka kërkuar dje që masat e ndërmarra për parandalimin e përhapjes së coronavirusit në vend të rishikohen
Sipas tij, ato tani nuk janë në përputhje me situatën në vend. Kreu i Prishtinës ka dhënë një varg idesh për të shënuar hapje me te madhe në vend.
“Kemi qenë të parët që kemi kërkuar masat restriktive me 6 mars dhe kemi pas të drejtë. Sot, po kërkojmë që masat të rishikohen në përputhje me situaten. Nuk jam mjek, por këto masa tashmë nuk janë në përputhje me situatën, dhe për më keq nuk po respektohen nga qytetarët – e besa as që ka mundësi të zbatohen nga policia e inspektorët. Është koha që Kosova të intensifikojë rihapjen dhe të veprojë sipas situatës epidemiologjike.
Fokusi i masave duhet të jetë:
– Mbrojtja e personave të rrezikuar nga sëmundjet kronike dhe ata të moshës mbi 60 vjet;
– Izolimi i rasteve pozitive dhe kontakteve potenciale;
– Rregullat për hapësirat e mbyllura, posaçërisht në gastronomi;
– Rihapja e çerdheve dhe rihapja graduale e shkollave (klasat 1-5 fillimisht);
– Maskat si mbrotja primare nga një shpërthim eventual;
– Të hiqen oraret e lëvizjes;
– Të hiqet karantina nga Qendra e Studentëve dhe të kthehemi në vetizolim detyrues;
– Të hapen kufijtë me shtetet që nuk kanë krizë epidemiologjike me prioritet Shqipërinë.
Faza e dytë nuk ka kuptim te zgjas dy jave.
Humbjet ekonomike tashmë janë shumë të mëdha. Do te na duhen ide kreative për tu përballë me humbjet që do të zgjat me muaj.
Ndërsa ne si komuna duhet shpejt të lëvizim drejt qyteteve më të pastra me më pak kerre e më pak ndotje. Tash koha te merremi me pasoja”, ka shkruar Ahmeti.
Por çka thonë në Ministrinë e Shëndetësisë, institucionin që ka përgjegjësinë e plotë të marrë vendime për masa kufizuese apo hapjen e tyre?
Në fakt kjo Ministri tash e sa kohë ka nisur implementimin e një plani në disa faza.
Drejtori i Zyrës për Media në MSh, Faik Hoti tha për Reporterin se këto që ka propozuar Ahmeti hapen në fazën e tretë.
“Sipas vendimeve të MSh-së është zhvilluar Plani për hapjen graduale ekonomike dhe tash është duke u zbatuar faza e dytë e kësaj hapjeje. Faza e tretë është paraparë të nis më 1 qershor, ndërkohë që, rivlerësimi për shumë veprimtari është duke u bëre tani, përfshirë ceremonitë fetare, tregjet e tjera, palestrat, qendrat e kujdesit ditor (ku hyjnë edhe çerdhet), qendrat tregtare, parqet dhe veprimtari të tjera. MSh merr vendime duke u bazuar në rekomandimet e institucioneve të saj kompetente për vlerësime profesionale sikurse është IKSHPK”, ka thënë ai për Reporterin.
Ai tha se opinionet kanë të drejtë të shprehen, por vendimmarrja bëhet duke konsultuar disa institucione.
“Edhe të tjerët, normalisht, kanë të drejtë të japin opinionet dhe propozimet e tyre, bazuar edhe në praktikat e vendeve të tjera; të marrin edhe vendime brenda niveleve të përgjegjësive të tyre, por vendimmarrja në nivel qendror për pandeminë Covid-19 bëhet nga Ministria e Shëndetësisë, në bashkëpunim edhe me institucionet dhe nivelet e tjera, përfshirë edhe komunat”, tha ai.
“Në fazën e tretë është paraparë lirimi i plotë i gastronomisë, veprimtari të arsimit të lartë sikurse provimet; pastaj testet e maturës dhe të arritshmërisë; hapja e kinemave e teatrove, hapja selektive e aktiviteteve sportive etj. Kjo listë nuk e përjashton mundësinë që të hapen më parë se që është parashikuar edhe veprimtari të tjera, varësisht prej situatës epidemiologjike në vend”.
Në Kosovë ka 1004 të prekur deri më tash me coronavirus, prej të cilëve 772 janë të shëruar e 29 kanë vdekur. Mbyllja ka shkaktuar ndërkaq humbje të mëdha ekonomike tek bizneset. Qeveria është përpjekur të mbështesë ata në paga dhe qira por edhe forma tjera, sikurse kanë bërë edhe komunat. Nga partitë dhe organizata ekonomike është konsideruar ndihmë jo sa duhet.
Të tjera
-
Arrestohet i dyshuari që gjuäjti dhe vräu një person në rrugën “B” në Prishtinë
Policia ka njoftuar se kanë arrestuar personin e dyshuar i cili mbrëmë në orë...
-
Vdekja e dyshimtë e gruas në Spitalin e Vranjës, Kamberi: Mungesa e të punësuarëve shqiptarë, dëshmi e trajtimit të pabarabartë
Deputeti shqiptar në Parlamentin e Serbisë, Shaip Kamberi ka reaguar lidhur r...
-
Avokatja: Me të thënë “je e bukur”, “je sharmante” – nuk është ngäcmim
Avokatja Fehmije Gashi-Bytyqi ka komentuar disa ngjarje të ndodhura së fundmi...
-
“Shkarkojnë policë që hetojnë akterët e VV-së”, Kica-Xhelili numëron skandalet e Qeverisë Kurti
Doarsa Kica Xhelili, deputete e LDK-së, ka renditur sipas saj dhjetë skandale...
-
Krasniqi viziton Ganimete Musliun pas ndërhyrjes që pati: Ke shumë miq, kolegë dhe dashamirë që mezi presin rikthimin tënd
Kryetari i PDK’së, Memli Krasniqi, ka njoftuar se bashkë me gruan e tij, Meli...
-
Një çift i moshuar kosovar arrestohet në Gjermani në prani të mbesës 8-vjeçare
Policia federale e Gjermanisë ka arrestuar një çift në aeroportin e Dortmundi...
-
Dyshohet për sülm sek*ual ndaj 16 vjeçares në Shtime, kërkohet paraburgimi i të pandehurit
Tridhjetë ditë paraburgim ka kërkuar Prokuroria Themelore në Ferizaj për Xh.I...
-
Kuvendi miratoi Projektligjin për zyrtarët publikë
Kuvendi i Kosovës ka miratuar në shqyrtim të parë Projektligjin për zyrtarët ...
-
Përfundon dëshmia e dëshmitarit të 57-të në rastin e Thaçit dhe të tjerëve
Dhomat e Specializuara të Gjykatës Speciale të Hagës bëjnë me dije sot ka për...
-
Dënohen me pesë vite burgim tre zyrtarë të Fushë Kosovës, akuzoheshin për korrupsion
Gjykata Themelore në Prishtinë ka shpallur aktgjykim dënues ndaj tre zyrtarëv...
-
Dy milionë britanikë vuajnë nga simptoma të gjata të COVID-it, tregon studimi
Dy milionë njerëz në të gjithë Anglinë dhe Skocinë ende vuajnë nga simptoma t...
-
Deputetja finlandeze takon presidenten Osmani: Kosova duhet pranuar në Këshillin e Evropës pa parakushte shtesë
Deputetja finlandeze, Tytti Tuppurainen ka takuar presidenten Vjosa Osmani. ...