Lajme

Ahmeti: Në dhjetor vijnë 30 autobusë, tetë nga ta elektrik

Autori: Gazeta inFokus 18:25 | 13 November 2021

Kryetari i komunës së Prishtinës, Shpend Ahmeti, ka folur në lidhje me komunikacionin në kryeqytet.

Ai tha se në asnjë qytet të botës nuk ndodh që komunikacioni të përmirësohet brenda gjashtë muajve, por me planin e mobilitetit, Ahmeti thotë se kjo parashihet të bëhet për 12 vjet.

Tutje, i pari i Prishtinës tha se deri në fund të dhjetorit pritet të vijnë 30 autobusë të rinj, ku tetë prej tyre do të jenë elektrik.

-Advertisement-

“Tash na kanë dhënë kredinë për 30 autobusë të tjerë ku tetë janë elektrikë dhe deri në fund të dhjetorit pritet të blihen këta”, është shprehur Ahemti në emisionin “Ju Flet Prishtina” në Klan Kosova.

Por sipas tij, kolonat do të reduktohen kur të ndërtohet unaza e brendshme e kryeqytetit në vlerë prej 120 milionë eurove, paratë e së cilës do ti sigurojnë me kredi e ndihmë nga qeveria dhe sipas llogaritjes së tij, kjo unazë do të lëshohet në qarkullim për vetura në vitin 2024.

Ndërsa, sa i përket ajrit, Ahmeti tha se pa ndryshuar qasja e njerëzve ndaj makinave, ajri do të jetë problem

“Në fund, pa ndryshuar qasja e njerëzve ndaj makinës është pak problem. Sepse, të njëjtit njerëz që ankohen për ajrin gjatë dimrit, gjatë verës i kanë nga tri makina”, është shprehur Ahmeti

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu

Të tjera