Ahmet Isufi i bindur: AAK-PSD do t’i fitojë zgjedhjet
Autori: Gazeta inFokus 09:16 | 22 September 2019
Nënkryetar i Aleancës për Ardhmërinë e Kosovës (AAK), Ahmet Isufi në një prononcim për EkonomiOnline, ka folur rreth koalicioneve të mundshme pas zgjedhjeve të 6 tetorit.
Ai është shprehur i bindur se koalicioni AAK-PSD, do t’i fitojë zgjedhjet e 6 tetorit, ndërsa LDK-në e sheh si partnere të koalicionit paszgjedhor, me të cilën synojnë edhe të udhëheqin qeverinë.
“Shikuar nga e kaluara të gjitha partitë politike disi janë deklaruar që me PDK-në, meqë ka qenë gjatë në pushtet nuk jemi të gatshëm të bëjnë koalicion dhe Aleanca normal e ka një distancë edhe për shkak të prishjes së koalicionit tani. Poashtu me Vetëvendosje ata qysh me kohë me rastin e dhënies së dorëheqjes së Haradinaj treguan se nuk janë të gatshëm të bashkëpunojnë me ne neve. Me LDK-në ka në një far forme një afri më të madhe ndoshta kjo varet krejt nga rezultati i zgjedhjeve, që do të dalin megjithatë ne vija të kuqe nuk do të kemi”, thotë ai.
Megjithatë, thotë se kusht kryesor për partneritet me këtë parti, do të jetë taksa ndaj mallrave serbe.
Ish-kryetar i grupit parlamentar të AAK-së, në legjislaturën e fundit, thotë se ky do të jetë parim i pakapërcyeshëm.
“Sa i përket taksës, taksa nuk do të hiqet dhe ne do të jemi në qeveri dhe do të bëjmë koalicion me atë parti e cila është e gatshme të mos e heq taksën. Koalicioni lidhet me këtë parim edh e disa parime që kanë të bëjmë me disa vendimet e interesave të vendit”. ka thënë Isufi.
Madje thotë se nuk do t’i binden asnjë llojë presioni pavarësisht nga kush vjen ai.
“Ne kemi pas edhe në të kaluarën presione të ndryshme për të ndryshuar qëndrimet e tona, por qëndrimet për lirinë pavarësinë, për shtetin e Kosovës nuk ka mund të na i ndryshojë askush. Prandaj ne taksë i kemi vu Serbisë e cila ka lobuar dhe po lobon kundër Kosovës, me tregun e Kosovës po blen armë në Rusi dhe ne nuk e lejojmë një gjë të tillë”, thotë ai
Ahmet Isufi nënkryetarë i AAK-së është shprehur që në Qeverinë e udhëhequr nga ta do ta pranojnë vetëm dialogun i cili do të rezultojë me një marrëveshje për njohje reciproke dhe në asnjë mënyrë nuk do të hynë në dialog që hap tema që e dëmtojnë sovranitetin e shtetit të Kosovës.
“Sa i përket dialogut ne dialogun e pranojmë vetëm me një marrëveshje ndërkombëtare obligative ligjore e cila e detyron Serbinë ta njohë pavarësinë e Kosovës. Në këtë drejtim ne jemi për dialog por një dialog që rezulton me marrëveshje për njohje reciproke. Nuk jemi të gatshëm të hymë me tema të cilat e kanë dëmtuar Kosovës ose që mund ta dëmtojnë në të ardhmen. Ne mbrojmë interesin e Kosovës sovranitetin, integritetin e vendit dhe nuk lejojmë që të futen tema mund të cenojnë diçka nga përmbajtja e substancës së Kosovës”, thotë ai.
Aleanca për Ardhmërinë e Kosovës në zgjedhjet e 6 tetorit do të garojë në koalicion me Partinë Socialdemokrate, ku në parim ky koalicion është parë si jo i natyrshëm për shkak të orientimeve programore, pasi AAK-ja është parti e qendrës së djathtë, kurse PSD-ja parti e majtë.
Por, sipas nënkryetarit të AAK-së, ky koalicion është pritur mirë në elektorat dhe po mbështetet edhe për shkak të bashkëpunimit të mirë që e kanë pasur sa PSD-ja ishte në opozitë.
“Koalicioni AAK-PSD është pritur shumë mirë në elektorat për shkak se edhe pse ka qenë PSD-ja në opozitë kanë përkrahë disa vendime të mëdha që i ka marrë zotri Haradinaj në qeverisje që kanë qenë në interesin e vendit poashtu edhe qeveria në krye me zotin Haradinaj disa nga iniciativat që i ka marrë Partia Socialdemokrate sidomos disa ligje që kanë pasur të bëjnë me temat e mirëqenies sociale i ka pranuar dhe ka qenë një bashkëpunim paraprak në distancë por që nga qytetarët si koalicion është pritur shumë mirë”, përfundoi ai.
Të tjera
-
Përplasje mes LVV e PDK në KQZ për votimin në veri
Përfaqësuesit e PDK-së dhe Lëvizjes Vetëvendosje janë përplasur sot në mbledh...
-
Pahor paralajmëron plan të ri për dialogun, nëse e merr detyrën e emisarit
Ish-presidenti i Sllovenisë, Borut Pahor, ka thënë se dialogu Kosovë-Serbi ka...
-
Tri banesa, rezidencë, veturë Tesla e koleksion pikturash milionëshe – pasuria e majme e Përparim Ramës
Kryetari i Komunës së Prishtinës, Përparim Rama ka publikuar ka deklaruar pas...
-
Lajçak: Aktualisht s’ka ndonjë progres për Asociacionin, pa të s’ka normalizim raportesh
“Nëse nuk ka përparim sa i përket formimit të Asociacionit të Komunave Serbe,...
-
Ambasadori britanik në Serbi: Mbështesim anëtarësimin e Kosovës në KiE dhe organizatat tjera
Ambasadori i Britanisë së Madhe në Serbi, Edward Ferguson, ka thënë se Londra...
-
Luftả e Kosovës në objektivin e fotoreporterit danez, Jan Grarup (FOTO)
Kur lufta në Kosovë përfundoi, fotoreporteri danez, Jan Grarup, mendoi se më ...
-
Konfiskohen produkte ilegale farmaceutike në veri
Inspektorati Farmaceutik në bashkëpunim me Policinë e Kosovës, më 16 prill ka...
-
Dy banesa në një lagje luksoze, kjo është pasuria e deklaruar nga Liburn Aliu
Ministri i Mjedisit, Planifikimit Hapësinor dhe Infrastrukturës, Liburn Aliu,...
-
Stërvitjet ushtarake, Vuçiq flet rreth planeve për Kosovën
Presidenti i Serbisë Aleksandar Vuçiq ka hedhur poshtë deklarimet se “vendi i...
-
Ish-kryeministri slloven Borut Pahor po synon pozitën e Lajçakut: Do të ofroj referencat e mija për dialogun Kosovë-Serbi
Ish-presidenti slloven Borut Pahor, i cili po synon pozitën që do ta lërë emi...
-
Deklarimi i çuditshëm i pasurisë nga Hysamedin Feraj: Shtëpinë e llogaritë 12 euro e 50 cent, banesën rreth 115 euro
Hysamedin Feraj çudit me vlerën e pasurive, deklaron shtëpi 12 euro e 50 cent...
-
Gazetari serb: Vuçiq dhe Lista Serbe do t’i tradhëtojnë deri në fund serbët e Kosovës
Analisti serb, Branisllav Kërstiq, ka deklaruar se në amplitudën e tradhëtisë...