Lajme

Agron Mustafa flet pas sulmit,tregon për marrëdhëniet e tij me dy zyrtarët policorë 

Autori: Gazeta inFokus 21:43 | 30 December 2017

Drejtori i Postës dhe Telekomit të Kosovës, Agron Mustafa, është deklaruar për herë të parë në një konferencë për media pas sulmit që sot u bë ndaj tij, shkruan Infokusi.com

Mustafa gjatë kësaj konference ka treguar kronologjikishtë sulmin e sotëm.

“Sot në orën 13:00 ka ndodhur një sulm ndaj meje në qendër të qytetit të Prishtinës në një vend ku unë e frekuentoj gati çdo ditë”, ka thënë ai.

-Advertisement-

Drejtori i PTK-së, ka vazhduar duke treguar se sulmuesit e tij ishin dy zyrtarë të Policisë së Kosovës.

“Pa asnjë arsye polici që nuk ia di emrin por e njohë si “Tarkan” ka thirrur ne emër të shoqëruesin tim dhe pasi jemi ndal është afruar dhe ka filluar të më sulmu me grushta. Ai fizikisht është jo i vogël, më shtyn në tokë dhe më shkelmon ndërsa personi tjetër drejtor kundër krimeve ekonomike në Policinë e Kosovës, Nazim Sahiti e largon shoqëruesin tim dhe ia lejon qasjen Tarkanit të më kap për jakne dhe të vazhdon sulmin” ka shtuar Mustafa.

Mustafa ka thënë se Sahiti gjatë sulmit vazhdimisht ka përdorur fjalë ofenduese ndaj tij ndërsa as edhe një herë nuk ka pas një problem me dy zyrtarët policorë e as me ndonjë policë tjetër në Kosovë.

E sipas tij çdo gjë ishte mirë e organizuar, shkruan Infokusi.com.

” Çdo gjë ka qenë mirë e organizuar pasi brenda në lokal gjendet edhe një polic i cili vetëm shikon”, ka thënë ai

“Jam i shokuar nga ky rast dhe do të doja ta dija vetëm arsyen e këtij sulmi”, ka përfunduar Mustafa./INFOKUSI

Subscribe në YouTube: GAZETA INFOKUSI
Etiketa:
UNI – Universum International College sërish pjesë e Panairit të Edukimit, vazhdon të ofroj studime me standarde amerikane
-Advertisement-

Të tjera

Fokusi

lajme