Lajme

AGK për sulmet ndaj gazetarëve: Numri më i lartë i sulmeve të regjistruara në 6 vitet e fundit

Autori: Gazeta inFokus 21:00 | 30 May 2023

Me tensionimin e situatës në katër komunat veriore të Kosovës, që nga e hëna në të dhënat e Asociacionit të Gazetarëve të Kosovës janë shtuar edhe 15 raste të reja të sulmeve ndaj gazetarëve dhe mediave që raportuan nga ajo pjesë e vendit, shkruan Gazeta Infokus.

Sipas zëdhënëses së këtij institucioni, Rabije Hyseni, ky është numri më i lartë i sulmeve të të regjistruara në AGK në gashtë vitet e fundit.

Derisa gjatë tërë vitit 2022 ishin 33 sulme ndaj gazetarëve, ndërsa vetëm deri në muajin maj të viti 2023 numri i sulmeve ndaj gazetarëve dhe mediave ka arritur në 31.

-Advertisement-

“Ky është numri më i lartë i sulmeve të regjistruara në AGK në gjashtë (6) vitet e fundit, pasi që jemi vetëm në fund të muajit maj të vitit 2023.

Në emër të AGK-së, falënderoj kolegët që përkundër rrezikut dhe mos ofrimit të mbrojtjes nga prezenca ndërkombëtare në këto komuna, raportuan drejtpërdrejt duke paraqitur zhvillimet e fundit nga ajo zonë”, ka shkruar Hyseni.

Kujtojmë që pas tensionimi të situatës në veri të Kosovës gazetarët dhe punëtorët medial janë sulmuar vazhdimisht nga protestuesit serbë të cilët po protestojë para objekteve komunale kundër fillimit të punës së kryetarëve të rinj të zgjedhur në këto komuna./Gazeta Infokus/

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme